ફોટો લાઈન:ડુમખલ: ચોમાસાની ઋતુમાં મેલેરિયા-ડેન્ગ્યુ સામે જાગૃતિ અભિયાન અંતર્ગત ડુમખલ સબ સેન્ટરના MPHW ઠાકોરભાઈ જશુભાઈ તડવી ગામે-ગામ અને ઘરે-ઘરે જઈ પાણી ભરાયેલા પાત્રોની તપાસ કરી ગ્રામજનોને રોગચાળાથી બચવાના ઉપાયો અંગે માર્ગદર્શન આપતા નજરે પડે છે.

આજે શામળાજી તાલુકા સ્થિત મેશ્વો ડેમ ખાતેથી દેવની મોરીને જોડતા ₹૨.૩૯ કરોડના ખર્ચે નિર્માણ પામેલ ૨.૧ કિ.મી. લાંબા માર્ગના લોકાર્પણ પ્રસંગે ઉપસ્થિત રહી વિકાસના વધુ એક મહત્વપૂર્ણ કાર્યને જનતાને સમર્પિત કરવાની તક મળી. આ માર્ગના નિર્માણથી વિસ્તારના નાગરિકોને સરળ અને સુરક્ષિત પરિવહન સુવિધા મળશે તેમજ પ્રવાસન, વેપાર અને સ્થાનિક વિકાસને નવી ગતિ મળશે. માનનીય મુખ્યમંત્રી શ્રી Bhupendra Patel સાહેબના નેતૃત્વમાં રાજ્ય સરકાર જનસુવિધા અને સર્વાંગી વિકાસના સંકલ્પ સાથે આવા લોકહિતના વિકાસકાર્યો માટે સતત પ્રતિબદ્ધ છે. ન્યૂઝ રિપોર્ટ.લવજીભાઈ પારઘી

રાજકોટ જિલ્લા ના જામકંડોરણા તાલુકાના ચાવંડી ગામે ખેડૂત નેતા અને રાજકોટ ડિસ્ટ્રીક્ટ બેન્ક ના ચેરમેન સ્વ.વિઠ્ઠલભાઈ રાદડીયા ની 7મી પુણ્યતિથિ નિમિત્તે શ્રી મથુરભાઈ રાઘવભાઈ અકબરી તથા ચિંતનભાઈ મથુરભાઈ અકબરી દ્વારા ચાવંડી ગામની પ્રાથમિક શાળામાં બટુક ભોજન નું આયોજન કરવામાં આવ્યું હતું, આ કાર્યક્રમમાં ગામના સરપંચ શ્રી જ્યોતિષભાઈ ,ઉપ સરપંચ શ્રી પ્રતાપસિંહ, શાળા ના આચાર્ય શ્રી રાજેશભાઈ અજુડીયા તથા સ્ટાફ અને રાજકોટ જિલ્લા બેન્ક ના મેનેજર શૈલેષભાઈ અને સહકારી મંડળી ના પ્રમુખ શ્રી અને મંત્રી શ્રી તથા ગામના આગેવાનો હાજર રહ્યા હતા, વિઠ્ઠલભાઈ રાદડીયા ની પુણ્યતિથિ નિમિત્તે 2 મીનીટ નું મૌન ધારણ કરીને શ્રધ્ધાંજલિ અર્પણ કરી હતી...

ગુરૂ પૂર્ણિમા મહોત્સવ ની ધામધૂમથી ઉજવણી જીવ દયા અન્નક્ષેત્ર ઓખા

સાગબારા, જિ. નર્મદા સાગબારા તાલુકાના જંગલ વિસ્તારમાં જમીન ખેડાણ મુદ્દો ફરી એકવાર ઉગ્ર બન્યો છે. હલગામ, પારડી, ખોપી સહિતના ગામોના આદિવાસી ખેડૂતો વર્ષોથી ખેતી કરતા હોવાનો દાવા સાથે ખેતરોમાં ખેડાણ કરવા પહોંચતા વન વિભાગ અને પોલીસ વચ્ચે ઘર્ષણની સ્થિતિ સર્જાઈ હતી. પ્રાપ્ત માહિતી મુજબ, છેલ્લા ઘણા વર્ષોથી આ જમીનો પર ખેતી કરતા હોવાનો દાવો સ્થાનિક ખેડૂતો કરી રહ્યા છે. સંસદ સભ્ય શ્રી મનસુખભાઈ વસાવાના આહવાન બાદ મોટી સંખ્યામાં ગ્રામજનો પોતાના ખેતરોમાં પોતાના હળ સાથે ખેડવા પહોંચી ગયા હતા અને ખેડાણ શરૂ કર્યું હતું. આ દરમિયાન વન વિભાગની ટીમ પોલીસ બંદોબસ્ત સાથે સ્થળ પર પહોંચી હતી અને ખેડાણ અટકાવવાની કામગીરી હાથ ધરી હતી. જેને લઈને સ્થાનિક લોકો, વનકર્મીઓ અને પોલીસ વચ્ચે બોલાચાલી અને ઘર્ષણ થયું હતું. બીજી તરફ આ મુદ્દે રાજકીય ગરમાવો પણ આવ્યો છે. આગેવાન લીલાબેન સહિત અનેક આગેવાનોએ આ મુદ્દો ઉઠાવ્યો છે. આગેવાન લીલાબેને નિવેદન આપતા કહ્યું હતું કે, "શું અમે પાકિસ્તાની છીએ? મારા ખેડૂતો વર્ષોથી આ જમીન ખેડે છે." તેમણે ખેડૂતોના હક્ક માટે લડતની વાત કરી છે. હાલ વન વિભાગે પોલીસની હાજરીમાં ખેડાણ અટકાવ્યું છે. હલગામ અને પારડી ગામોમાં હજુ પણ તણાવની સ્થિતિ જોવા મળી રહી છે અને વિરોધ યથાવત છે. આ મામલે હવે તંત્ર શું નિર્ણય લે છે અને ખેડૂતોના વર્ષો જૂના દાવાનું શું નિરાકરણ આવે છે તે જોવું રહ્યું. રિપોર્ટર ફિલિપ વસાવા

પંચમહાલ હાલોલ અરવિંદભાઈ પરમાર હાલોલ તાલુકા ના તાજપુરા ઘામ મા ગુરુ પૂર્ણિમા ના પર્વ દીવસે તાજપુરા બ્રહ્મલીન નારાયણ બાપુ ના ગુરુ પુનમ ના પાવન દીવસે ખુબ મોટી સંખ્યા મા ભાવિક ભકતો ઉમટી પડ્યુ હતુ તેની સાથે હમાપ્રસાદ નો પણ ભાવિક ભક્તો એ લાભ લીઘો હતો