ચાવંડી ગામે દિવેલીયા હનુમાન મંદિરે ગુરુ પૂર્ણિમા ની ઉજવણી કરવામાં આવી

જય મહારાજ ગુજરાત પ્રદેશ કોંગ્રેસ સમિતિના માનનીય પ્રમુખ શ્રી અમિતભાઈ ચાવડાએ મારા પર વિશ્વાસ વ્યક્ત કરીને નડિયાદ મહાનગરપાલિકામાં કોંગ્રેસ પક્ષના વિરોધ પક્ષના નેતા તરીકે જે જવાબદારી સોંપી છે, તે બદલ હું તેમનો હૃદયપૂર્વક આભાર વ્યક્ત કરું છું. આ સન્માન માત્ર મારું નથી, પરંતુ નડિયાદ શહેરના દરેક વડીલો આગેવાનો, શુભેચ્છકો અને જનતાના અવિરત સાથ, સહકાર અને વિશ્વાસનું પરિણામ છે. આપ સૌએ દિવસ-રાત મારી સાથે રહીને જે પ્રેમ, પ્રોત્સાહન અને સહયોગ આપ્યો છે, તેના કારણે જ આજે મને ફરી એકવાર પક્ષની મહત્વપૂર્ણ જવાબદારી નિભાવવાની તક મળી છે. હું આપ સૌનો દિલથી આભારી છું અને વિશ્વાસ અપાવું છું કે આ જવાબદારીને સંપૂર્ણ નિષ્ઠા, પ્રામાણિકતા અને જનહિતને સર્વોપરી રાખીને નિભાવીશ. નડિયાદ શહેરના લોકોના પ્રશ્નોને વધુ મજબૂતાઈથી ઉઠાવી તેમના હિત માટે સતત સંઘર્ષ કરતો રહીશ. આગામી સમયમાં પણ આપ સૌનો આવો જ પ્રેમ, માર્ગદર્શન અને સાથ મળતો રહેશે તેવી આશા સાથે... આપ સૌનો હૃદયપૂર્વક આભાર. હાર્દિક ભટ્ટ વિરોધ પક્ષના નેતા નડિયાદ મહાનગરપાલિકા

મયુર મોકાશી: ધરમપુર તાલુકાના વાઘવળ ગામના બારસી ફળિયામાં ઉનાળાની શરૂઆતથી જ ભૂગર્ભ જળસ્તર નીચે ઉતરી જતા પાણીની ગંભીર સમસ્યા સર્જાઈ હતી. પાણી ન નીકળવા છતાં લોકો અજાણ હોવાથી હેન્ડલ સતત મારતા રહ્યા, જેના કારણે ગત ૨૯ એપ્રિલના રોજ હેન્ડપંપ બગડી ગયો હતો અને ભારે ઉનાળે ફળિયામાં પાણીની વિકટ તંગી સર્જાઈ હતી. આ અંગે ૧૯૧૬ પર ફરિયાદ કરવામાં આવતા રિપેરિંગ ટીમ આવી તો હતી, પરંતુ હેન્ડપંપના પાઇપ માત્ર ૧૩૦ ફૂટ સુધીની જ મર્યાદામાં હતા, જ્યારે વાસ્તવિક પાણીનું સ્તર ૧૬૦ ફૂટથી વધુ ઊંડું હોવાથી કામ થઈ શક્યું નહોતું. પરિણામે ફળિયાવાસીઓએ સતત ત્રણ મહિના સુધી ભારે મુશ્કેલીઓ વેઠવી પડી હતી. આ દરમિયાન લોકો ખાનગી મોટરવાળા પાસેથી પાણી મેળવતા અને અમુક વરસાદ વરસતા મજબૂરીવશ ઝરણાંનું પાણી પીતા હતા. પાછળથી અતિભારે વરસાદની સ્થિતિ સર્જાતા વીજળી બંધ કરી દેવામાં આવી હતી જેથી મોટરથી પાણી મળી શકે તેમ નહોતું અને ઝરણાંનું પાણી પીવાથી ગંભીર રોગચાળો ફાટી નીકળવાનો ભય સતાવી રહ્યો હતો. આ કપરા સમયમાં વરસાદનું જોર ઓછું થતાં જ ધરમપુરના GWSSB ના નાયબ કાર્યપાલક ઇજનેર શ્રીમતી દીપકાબેન જે. પટેલને ટેલિફોનિક જાણ કરી સમગ્ર પરિસ્થિતિથી માહિતગાર કરવામાં આવ્યા હતા. તેમણે ફળિયાના પરિવારોની વેદના ત્વરિત સમજીને તાત્કાલિક પોતાની હેન્ડપમ્પ રિપેરિંગ ટીમને આદેશ આપ્યા હતા. પરિણામે, બીજા જ દિવસે વિશાલ, અંકિત, લવલી, રિંકુ અને રિયાન્સભાઈની ટીમ ચાલુ વરસાદની પ્રતિકૂળ પરિસ્થિતિમાં પણ વાઘવળ ગામે દોડી આવી હતી અને યુદ્ધના ધોરણે હેન્ડપંપ રિપેર કરી આપ્યો હતો. આમ, આટલી લાંબી હાલાકી બાદ આખરે ત્રણ મહિના પછી પરિવારને સરકારી યોજનાનું શુદ્ધ પાણી મળ્યું છે, જે બદલ બારસી ફળિયાના તમામ પરિવારો દ્વારા નાયબ કાર્યપાલક ઇજનેર શ્રીમતી દીપકાબેન પટેલ અને તેમની સમગ્ર ટીમનો હૃદયપૂર્વક આભાર માનવામાં આવ્યો છે.

*મહાલપાડા ગ્રામ પંચાયતમાં મનરેગા યોજનામાં મોટો વિવાદ: 2007માં મૃત્યુ પામેલા લોકોના નામે 2023માં મજૂરી? FTOમાં ચોંકાવનારો ખુલાસો* રિપોર્ટર ભાવેશ ચૌધરી આહવા ડાંગ આહવા, ડાંગ: ડાંગ જિલ્લાના મહાલપાડા ગ્રામ પંચાયતમાં મનરેગા યોજના હેઠળ ગડબડના ગંભીર આક્ષેપો સામે આવ્યા છે. મળતી માહિતી મુજબ, 2007માં જ મૃત્યુ પામેલા બે લોકોના નામ 2023ના મનરેગાના ફંડ ટ્રાન્સફર ઓર્ડર (FTO)માં મજૂર તરીકે દેખાયા છે, જેના કારણે વિસ્તારમાં ભારે ચર્ચા શરૂ થઈ ગઈ છે. મનરેગામાં મજૂરોના કામ અને ચુકવણીની એન્ટ્રી FTO મારફતે થાય છે. આક્ષેપો મુજબ, કાશુભાઈ છમાભાઈ ગાયકવાડ (જોબકાર્ડ મુજબ) – જેમનું સાચું નામ કાશુભાઈ છમાભાઈ ગવળી હોવાનું કહેવામાં આવે છે – અને સીતારામભાઈ પોસલુંભાઈ બાગુલનું 2007માં જ અવસાન થઈ ગયું હતું. છતાં 2023માં મહાલપાડા ગ્રામ પંચાયત વિસ્તારમાં મનરેગા હેઠળ કામ કર્યું હોવાનું FTOમાં તેમના નામે એન્ટ્રી દેખાઈ રહી છે. મહાલપાડા ગ્રામ પંચાયત પહેલાથી પણ ઘણા વિવાદોમાં રહી ચૂકી છે. સરપંચના પતિ અને તલાટી કમ મંત્રી પર લાંચ માંગવાના ઓડિયો, સ્ટ્રીટ લાઇટ કૌભાંડ અને મનરેગામાં ડુપ્લિકેટ કામોની ફરિયાદો જેવા મુદ્દાઓ હજી ઠંડા પડ્યા નથી, ત્યાં આ નવો વિવાદ સામે આવતા લોકોમાં રોષ જોવા મળી રહ્યો છે. સ્થાનિક લોકો કહે છે કે જો ખરેખર વર્ષો પહેલા મૃત્યુ પામેલા લોકોના નામે મજૂરી બતાવવામાં આવી હોય તો તેની સારી રીતે તપાસ થવી જોઈએ અને જવાબદાર લોકો સામે કડક પગલાં લેવાં જોઈએ. જોકે, આ બાબતે હજુ સુધી કોઈ સત્તાવાર પુષ્ટિ કે અધિકારીઓનો પ્રતિભાવ આવ્યો નથી. હવે જિલ્લામાં ચર્ચા એ છે કે મનરેગા જેવી પારદર્શક યોજના માં આવી ગડબડ કેવી રીતે થઈ અને પાછળ કોણ છે. લોકો માંગ કરી રહ્યા છે કે ઉચ્ચ અધિકારીઓ આ સમગ્ર FTO અને રેકોર્ડની તપાસ કરે. તેમજ જવાબદાર કર્મચારી સામે કાયદેસરની કાર્યવાહી કરવામાં આવે.

મોકાશી મયુર : દક્ષિણ ગુજરાતના આદિવાસી બહુલ વિસ્તારોમાં વિકાસના દાવાઓ ઘણીવાર કાગળ પર જ સીમિત અને પોકળ સાબિત થતા હોય છે. આવો જ એક અત્યંત ચોંકાવનારો અને આંખ ઉઘાડનારો કિસ્સો ધરમપુર તાલુકાના શિંગારમાળ ગામમાંથી સામે આવ્યો છે. અહીં 'ATVT કાર્યવાહક આયોજન' હેઠળ લાખો રૂપિયાના માતબર ખર્ચે બનાવેલું નાળું માત્ર આઠ મહિનામાં જ પ્રથમ વરસાદના પહેલા પાણીમાં ધોવાઈ ગયું છે, જે સરકારી નાણાંના મોટા પાયે દુરુપયોગ અને વહીવટી તંત્રના ખુલ્લેઆમ ભ્રષ્ટાચાર તરફ સ્પષ્ટ ઈશારો કરી રહ્યું છે.પ્રાપ્ત વિગતો અનુસાર, ધરમપુર તાલુકાના શિંગારમાળ ગામે મોગરા ફળિયા તરફ જતા રસ્તા પર એક નાળાના નિર્માણનું કામ હાથ ધરવામાં આવ્યું હતું. આ વિકાસકાર્ય માટે સરકાર દ્વારા રૂ. ૪,૫૦,૦૦૦ (સાડા ચાર લાખ રૂપિયા) ની માતબર રકમ મંજૂર કરવામાં આવી હતી. સરકારી કાગળો અને રેકોર્ડ મુજબ આ કામ નિયત સમયમાં પૂર્ણ થઈ ગયું છે અને તેના તમામ પૂરા નાણાકીય બિલ પણ ચુકવી દેવામાં આવ્યા છે.પરંતુ જમીની હકીકત આ સરકારી દસ્તાવેજોથી બિલકુલ વિપરીત છે. માત્ર ૪,૫૦,૦૦૦ રૂપિયાના ખર્ચે બનેલું આ નવું નાળું પ્રથમ ચોમાસાની મોસમની શરૂઆતમાં જ તૂટીને ધરાશાયી થઈ ગયું છે. સૌથી ગંભીર, શરમજનક અને ચોંકાવનારી બાબત એ છે કે તૂટેલા માળખાના અવશેષોનું નિરીક્ષણ કરતાં જણાયું કે કોંક્રિટના બ્લોકમાં મજબૂતી માટે જોઈતા કોંક્રિટ માલમાં રેતી,કપચી, સિમેન્ટમાં મોટા, બેડોળ પથ્થરો નાખવામાં આવ્યા હતા. આ ઉપરાંત, સિમેન્ટ અને કપચીનું પ્રમાણ પણ અત્યંત નબળી અને હલકી કક્ષાનું હોવાનું સ્પષ્ટપણે ફલિત થાય છે, જે આ નાળાના તાત્કાલિક તૂટવાનું મુખ્ય અને સીધું કારણ બન્યું છે.સ્થાનિક રહીશો અને જાગૃત નાગરિકોમાં આ ઘટનાને લઈને ભારે રોષ ભભૂકી ઉઠ્યો છે. માત્ર આઠ મહિનાના ટૂંકા સમયગાળામાં લાખો રૂપિયાનું વિકાસકાર્ય ધ્વસ્ત થઈ જવું એ કોઈ સામાન્ય બાબત નથી. નાગરિકો દ્વારા સીધા સવાલો ઉઠાવવામાં આવી રહ્યા છે કે: શું આ નાળાના નિર્માણ માટે કોઈ પારદર્શક ટેન્ડર પ્રક્રિયા અપનાવવામાં આવી હતી કે નહીં? જો પ્રક્રિયા થઈ હતી, તો કયા નિયમો હેઠળ અને કોના આશીર્વાદથી આવા બિનતાલીમાર્થીઓને અથવા સિવિલ કોન્ટ્રાક્ટર ન હોવા છતાં કાગળ પર ઇજનેરી કામો કરનાર ઇજનેરોને કામો સોંપી દેવામાં આવે છે?ટેન્ડરની શરતો અને ટેકનિકલ માપદંડોને ઘોળીને પી જનાર તંત્રની મિલીભગતથી કોન્ટ્રાક્ટરો દ્વારા સરકારી તિજોરીની ખુલ્લેઆમ લૂંટ ચલાવવામાં આવી રહી છે અને સરકારી નાણાંની ગંભીર ઉચાપત કરવામાં આવી છે.તપાસની ઉગ્ર માંગઆ અત્યંત ગંભીર મામલે તટસ્થ, નિષ્પક્ષ અને ઉચ્ચસ્તરીય તપાસની તાત્કાલિક માંગ ઉઠી છે. આ ATVT કાર્યવાહક યોજનાના કામ (વર્ક ID ૧૦૬૬૧૬૬) માટે જવાબદાર એજન્સી, ઓનસાઈટ ઇજનેર, પંચાયતના જવાબદાર અધિકારીઓ અને સંબંધિત વિભાગના સુપરવાઈઝરોની જવાબદારી ચોક્કસપણે નક્કી થવી જોઈએ. જો આ ભ્રષ્ટાચારના કૌભાંડની સમયસર ઉચ્ચ સ્તરે તપાસ નહીં થાય, તો આદિવાસી વિસ્તારોના વિકાસના નામે ચાલતી લૂંટ સામે આદિવાસીઓનો વિકાસ થોડા સમય પૂરતો જ સીમિત રહી જાય છે.મુખ્ય અહેવાલના મહત્ત્વના મુદ્દાઓ:સ્થળ: ધરમપુર તાલુકાનું શિંગારમાળ ગામ, મોગરા ફળિયો.યોજના અને વર્ક ID: ATVT કાર્યવાહક આયોજન (વર્ક ID: 1066166).મંજૂર રકમ: ₹ ૪,૫૦,૦૦૦ ગંભીર સવાલ એ છે કે કોઈ ટેન્ડર પ્રક્રિયા કે લાયકાત વિના બિન-અનુભવીઓને કામો આપનાર કોના આશીર્વાદથી ચાલે છે આ ખેલ?સ્થળ પરથી પ્રાપ્ત તસવીરો અને પંચાયતના રેકોર્ડના પુરાવાઓ સ્પષ્ટપણે સાક્ષી પૂરે છે કે કાગળ પર પૂર્ણ થયેલા આ વિકાસના કામો વાસ્તવિકતામાં માત્ર કાગળ પર જ મજબૂત હતા, જ્યારે જમીન પર ભ્રષ્ટાચારનું પાણી ફરી વળ્યું છે.

બાવળા નગરપાલિકાની સામાન્ય સભા આજે યોજાઈ હતી. સભામાં શહેરના વિકાસ અને જનહિતના અનેક મુદ્દાઓ પર ચર્ચા થવાની હતી. જોકે, વિરોધ પક્ષના સભ્યોએ સભા દરમિયાન ગંભીર વાંધાઓ ઉઠાવતા આક્ષેપ કર્યો કે નગરપાલિકામાં કાયદાકીય અને લોકશાહી પ્રક્રિયાનું યોગ્ય પાલન કરવામાં આવી રહ્યું નથી. વિરોધ પક્ષના જણાવ્યા મુજબ, ત્રિમાસિક સમયગાળા દરમિયાન થયેલી આવક-જાવક તથા નાણાકીય વ્યવહારો માત્ર સામાન્ય સભા સમક્ષ રજૂ કરી દેવાથી કાયદાકીય પ્રક્રિયા પૂર્ણ થતી નથી. આવા હિસાબોને સામાન્ય સભાની વિધિવત બહાલી અથવા મંજૂરી મળવી જરૂરી છે. તેવી જ રીતે કારોબારી સમિતિ દ્વારા લેવાયેલા ઠરાવો અને નિર્ણયોની કાર્યવાહી પણ સામાન્ય સભા સમક્ષ રજૂ કરીને તેની બહાલી લેવી ફરજિયાત છે. વિરોધ પક્ષના સભ્યોએ આ મુદ્દે રજૂઆત કરતાં પ્રમુખશ્રી અને ચીફ ઓફિસર દ્વારા ઉદ્દતાઈભર્યો જવાબ આપવામાં આવ્યો હોવાનો આક્ષેપ કર્યો હતો. વિરોધ પક્ષનું કહેવું છે કે જો સામાન્ય સભાની મંજૂરી કે બહાલી વિના જ કામગીરી કરવામાં આવે તો તે લોકશાહી પ્રક્રિયાનું હનન સમાન છે. સભા દરમિયાન એકાઉન્ટન્ટ વિશાલભાઈ પટેલનો મુદ્દો પણ ચર્ચામાં આવ્યો હતો. વિરોધ પક્ષે જણાવ્યું કે અગાઉ કેટલાક કોર્પોરેટરો સામે ખોટી ફરિયાદો કરવામાં આવી હતી. ઉપરાંત કોર્પોરેટરોને માહિતી મેળવવાનો અધિકાર હોવા છતાં વિશાલભાઈ પટેલે પોતાની ઓફિસમાં કોઈ કોર્પોરેટર ન આવે તેવી ટિપ્પણી કરી હોવાનું જણાવાયું. આ મુદ્દે સામાન્ય સભામાં ચર્ચા બાદ સર્વાનુમતે પ્રતીકાત્મક રીતે એકાઉન્ટન્ટ વિશાલભાઈ પટેલ પર રૂ. 1નો દંડ ફટકારવાનો નિર્ણય લેવાયો હોવાનું જણાવાયું. અન્ય એક મહત્વના મુદ્દા તરીકે લારી-ગલ્લાધારકો પર કારોબારી સમિતિ દ્વારા નક્કી કરાયેલા રૂ. 5,000ના દંડનો વિરોધ કરવામાં આવ્યો. કોંગ્રેસના સભ્યોએ આ નિર્ણય રદ કરવાની માંગ કરી હતી અને હાલ કોઈ દંડ વસૂલ ન કરીને માત્ર નોટિસ આપી દબાણો દૂર કરવાની કાર્યવાહી હાથ ધરવાની રજૂઆત કરી હતી. વિરોધ પક્ષના સભ્યોનું કહેવું છે કે સામાન્ય સભા જનહિતના પ્રશ્નોના નિરાકરણ માટે નહીં પરંતુ લોકશાહી અવાજને દબાવવા માટે યોજાતી હોય તેવી સ્થિતિ સર્જાઈ રહી છે. તેમણે આક્ષેપ કર્યો કે પ્રમુખશ્રી અને ચીફ ઓફિસર મનમાની રીતે કામગીરી ચલાવી ચૂંટાયેલા કોર્પોરેટરોના અવાજને દબાવવાનો પ્રયાસ કરી રહ્યા છે.