Crime News

નંદાસણ પોલીસ સ્ટેશનમાં “અપહરણ ” ના ગુનામાં છેલ્લા એક (૧) વર્ષથી નાસતા ફરતા આરોપી તથા ભોગ બનનારને અમદાવાદ શહેર ખાતેથી પકડી લેતી પેરોલ / ફર્લો સ્કોડ, મહેસાણા. નાયબ પોલીસ મહાનિરીક્ષકશ્રી, વિરેન્દ્રસિંહ યાદવ સાહેબ (IPS), ગાંધીનગર રેન્જ, ગાંધીનગર નાઓના સીધા માર્ગદર્શન હેઠળ તથા પોલીસ અધિક્ષક શ્રી, હિમાંશુ સોલંકી સાહેબ (IPS), મહેસાણા નાઓએ મહેસાણા જિલ્લામાં પેરોલ/ફર્લો તથા વચગાળાના જામીન ઉપર છુટેલ ફરાર કેદી/નાસતા ફરતા આરોપીઓ પકડવા અંગે સુચના કરેલ હોય તેમજ પોલીસ ઇન્સ્પેક્ટરશ્રી, એ.એમ.કામળીયા સાહેબ એલ.સી.બી.મહેસાણા નાઓના માર્ગદર્શન અન્વયે અમો કે.જી.ચૌધરી પો.સબ.ઇન્સ. પેરોલ/ફર્લો સ્કોડ, મહેસાણા નાઓ પેરોલ ફર્લો સ્કોડના કર્મચારીઓને નાસતા ફરતા આરોપીઓ પકડવા અંગે અસરકારક કામગીરી કરવા તજવીજ હાથ ધરેલ. જે દરમ્યાન સ્કોડના ASI ચેતનકુમાર/ ASI દિનેશભાઇ નાઓને ટેકનીકલ તેમજ હ્યુમન સોર્સ દ્વારા બાતમી હકિકત મળેલ કે, નંદાસણ પો.સ્ટે. પાર્ટ એ ૧૧૨૦૬૦૫૦૨૫૦૧૩૧ બી.એન.એસ. ક.૧૩૭(૨), ૮૭ મુજબના ગુનાના કામના નાસતા ફરતા આરોપી ઠાકોર પ્રતાપભાઇ નાગજીજી ધનાજી રહે.વાંક દાતીયા તા.સાંચોર જી.ઝાલોર (રાજસ્થાન) વાળો હાલમાં અમદાવાદ ઓઢવ ખાતે આવેલ જી.આઇ.ડી.સી.માં એમ.સ્ટીલ ઇન્ડસ્ટ્રીઝ વિજય એસ્સેટ, ભીક્ષુક ગૃહ રોડ ખાતે આવેલ લોખંડની ફેકટરીમાં પાઈપ બનાવવાની મજુરી કરે છે અને હાલમાં ત્યાં હાજર છે. જે હકિકત આધારે ઉપરોક્ત હકિકત વાળી જગ્યાએ જઇ ખાત્રી તપાસ કરતા ઉપરોક્ત નામ વાળો ઇસમ હાજર મળી આવેલ. જેને પકડી લઇ કોર્ડન કરી લઇ અમારી પોલીસ તરીકે ઓળખ આપી તેનું નામ ઠામ પુછતાં પોતે પોતાનું નામ ઠાકોર પ્રતાપભાઇ નાગજીજી ધનાજી ઉ.વ.૨૫ રહે. વાંકદાતીયા તા.સાંચોર જી.ઝાલોર (રાજસ્થાન) હાલ રહે. સદગુરુ સોસાયટી, ઓઢવ, અમદાવાદ વાળો હોવાનું જણાવતો હોય. જે ઉપરોક્ત ગુનામા નાસતો ફરતો હોય તેમજ પોતે ભગાડી જનાર ભોગ બનનાર વિશે પુછતા જણાવેલ કે, સદર ભોગ બનનાર તેની સાથે સદગુરુ સોસાયટી, ઓઢવ, અમદાવાદ ખાતે રાખેલ મકાનમાં રહે છે અને હાલમાં ધરે હાજર છે. જેથી સદર ઇસમને સાથે રાખી ઉપરોક્ત સરનામા વાળા ઘરે જઇ તપાસ કરતા ભોગ બનનાર હાજર મળી આવેલ. જેથી સદર ઇસમ તથા ભોગ બનનારને તા.૨૯/૦૭/૨૦૨૬ ના ક.૧૫/૩૦ વાગે હસ્તગત કરી હસ્તગત કર્યા અંગેની જાણ આરોપીના શેઠ વલેશ પાલ રહે.અમદાવાદ વાળાઓને મોબાઇલ ઉપર કરી ઓઢવ પો.સ્ટે. લાવી સ્ટે.ડા નં. ૧૭/૨૬ થી ક.૧૫/૪૦ વાગે નોંધ કરાવી નંદાસણ પો.સ્ટે. લાવી સ્ટે.ડા. નં.૧૫/૨૬ થી ક.૧૮/૧૫ વાગે નોંધ કરાવી આગળની ઘટતી કાર્યવાહી કરવા સારૂ નંદાસણ પો.સ્ટે. સોંપેલ છે. તા.૨૯/૦૭/૨૦૨૬ કામગીરીમાં રોકાયેલ અધિકારીશ્રી / કર્મચારીઓ :- PSI કે.જી.ચૌધરી, ASI ચેતનકુમાર નટવરલાલ, ASI દિનેશભાઇ રામજીભાઇ, PC સંજયભાઇ લાખાભાઇ, પેરોલ/ફર્લો સ્કોડ, મહેસાણા. (કે.જી.ચૌધરી) પોલીસ સબ ઇન્સ. પેરોલ ફર્લો સ્કોડ મહેસાણા

પાટણ જિલ્લાના હારીજમાં આવેલી ફેડબેંક ફાઇનાન્શીયલ સર્વિસીસ લિમિટેડની શાખામાં નકલી સોનાનું બ્રેસ્લેટ ગીરવે મૂકી ₹4,15,800ની લોન મેળવી બેંક સાથે છેતરપિંડી આચરવામાં આવી છે. આ અંગે બેંકના શાખા મેનેજર અશ્વિનકુમાર સિંધવે સમીના સલીમ મુસ્તુફા સૈયદ સામે હારીજ પોલીસ સ્ટેશનમાં ફરિયાદ નોંધાવી છે.ફરિયાદ મુજબ, સમીના હેઠાળોવાસમાં રહેતા સલીમ મુસ્તુફા સૈયદે 16 ડિસેમ્બર, 2025ના રોજ હારીજ ફેડબેંકમાં 42.59 ગ્રામ વજનનું સોનાનું બ્રેસ્લેટ ગીરવે મૂકી લોન માટે અરજી કરી હતી. બેંકના પ્રાથમિક રબિંગ ટેસ્ટમાં બ્રેસ્લેટ સોનાનું જણાતાં તેને 3,60,500ની લોન આપવામાં આવી હતી. ત્યારબાદ, સૈયદે ઓનલાઇન પોર્ટલ દ્વારા તબક્કાવાર ટોપઅપ મેળવીને કુલ 4,15,800ની લોન લીધી હતી.10 ફેબ્રુઆરી, 2026ના રોજ બેંકમાં વાર્ષિક ઓડિટ ચાલી રહ્યું હતું. ઓડિટ અધિકારી હાર્દિક મહેતાએ બ્રેસ્લેટની ઊંડાણપૂર્વક તપાસ કરતા તે શંકાસ્પદ જણાયું હતું. ત્યારબાદ, અમદાવાદથી બોલાવવામાં આવેલા સરકાર માન્ય ગોલ્ડ વેલ્યુઅર દ્વારા તપાસ કરાવતાં 42.59 ગ્રામના બ્રેસ્લેટમાંથી માત્ર 3 ગ્રામ સોનું અને બાકીનું 39.59 ગ્રામ નકલી ધાતુ હોવાનું પ્રમાણપત્ર મળ્યું હતું.લોન ધારકે એક પણ હપ્તો ભર્યો ન હતો અને રકમ પરત કરવા અંગે વાયદા કર્યા છતાં નાણાં જમા કરાવ્યા ન હતા. આખરે બેંકે પોલીસ કાર્યવાહી હાથ ધરી છે. આરોપીએ લીધેલી લોનના ₹4,15,800 અને વ્યાજના ₹38,505 મળી કુલ ₹4,54,305ની છેતરપિંડી આચરી હોવાનું સામે આવ્યું છે. હારીજ પોલીસે આ મામલે બી.એન.એસ.ની કલમ 318(4) હેઠળ ગુનો નોંધી વધુ તપાસ આસિસ્ટન્ટ સબ ઇન્સ્પેક્ટર જીગ્નેશકુમાર બાબુભાઇ ચૌધરીને સોંપી છે.

ઝગડિયા: ઝગડિયા ડિવિઝન હેઠળ આવતા છ પોલીસ સ્ટેશન વિસ્તારમાં પ્રોહિબિશનના વિવિધ ગુનાઓમાં જપ્ત કરવામાં આવેલા વિદેશી દારૂ, દેશી દારૂ અને બિયરના જથ્થાનો કાયદેસરની પ્રક્રિયા મુજબ નાશ કરવામાં આવ્યો હતો. આ કાર્યવાહી ઝગડિયા GIDC વિસ્તારમાં અધિકારીઓની ઉપસ્થિતિમાં હાથ ધરવામાં આવી હતી. મળતી માહિતી મુજબ, ઝગડિયા ડિવિઝનના છ પોલીસ સ્ટેશનમાં નોંધાયેલા કુલ 91 પ્રોહિબિશનના ગુનાઓમાં જપ્ત કરવામાં આવેલા મુદ્દામાલનો નિકાલ કરવામાં આવ્યો. સમગ્ર કાર્યવાહી દરમિયાન ઝગડિયા ASP અજય કુમાર મીના, ઝગડિયા પ્રાંત અધિકારી તથા ઝગડિયા મામલતદાર હાજર રહ્યા હતા. અધિકારીઓની દેખરેખ હેઠળ તમામ કાયદેસરની પ્રક્રિયાનું પાલન કરીને દારૂનો નાશ કરવામાં આવ્યો હતો. આ કાર્યવાહી દરમિયાન કુલ 14,092 નાની-મોટી દારૂની બોટલો તેમજ બિયરના જથ્થાનો નાશ કરવામાં આવ્યો હતો. નષ્ટ કરાયેલા મુદ્દામાલની કુલ કિંમત અંદાજે ₹36,27,917 હોવાનું અધિકૃત રીતે જણાવવામાં આવ્યું છે.