Entertainment News

ધરમપુર તાલુકાના ગનવા ગામે યુવાધન ક્રિકેટ ગ્રાઉન્ડનું ડો.નિરવ ભુલાભાઇ પટેલ અને શૈલેષ દેશમુખ દ્વારા ઉદ્ઘાટન. ક્રિકેટના માધ્યમથી વધેલી એકતાનો ઉપયોગ દેશ અને સમાજના વિકાસ માટે કરવો ખુબ જ જરૂરી છે-ડો.નિરવ ભુલાભાઇ પટેલ. ધરમપુર જંગલ વિસ્તારના આંતરિયાળ ગામ દિનેશ,કલ્પેશ,અજય સહિતના અનેક યુવાનોથી બનેલા યુવાધન ગ્રુપ દ્વારા ગનવા ખાતે સુંદર ક્રિકેટ ગ્રાઉન્ડનું નિર્માણ કરવામાં આવ્યું જેનું ઉદ્ઘાટન સમસ્ત આદિવાસી સમાજના દક્ષિણ ગુજરાતના પ્રભારી અને જાણીતા ગોલ્ડ મેડલિસ્ટ જનરલ સર્જન ડો.નિરવ ભુલાભાઇ પટેલ અને આંબોસી ગ્રુપ ગ્રામપંચાયતના સરપંચપદના ઉમેદવાર શૈલેષ દેશમુખ,વિષ્ણુ ગાંવિત,સુરેશભાઈ સહરિયા, શીવાભાઈ ગાંવિત,કાર્તિક,કૃણાલ ભોયા,રાજેશ રાઉત અને ગામના વડીલોના હસ્તે કરવામાં આવ્યું.આ તબક્કે 8 દિવસ સુધી ચાલનાર ક્રિકેટ ટુર્નામેન્ટમા 48 જેટલી ટીમોએ ભાગ લીધો છે.આ તબક્કે ડો.નિરવ ભુલાભાઇ પટેલે ગામના બાળકો,યુવાનો,વડીલોને દિવાળીની મીઠાઈઓ ખવડાવીને મોઢું મીઠુ કર્યું હતું અને ઓછા નેટવર્કની અને શાળા,રસ્તા અને પાણીની સમસ્યાઓનું ત્વરિત નિવારણ માટે સરકારને અનુરોધ કર્યો હતો.

રામપરના ગૌધામમાં ૧૨થી ૧૪ નવેમ્બર સુધી મહોત્સવ શ્રી સર્વેશ્વર ગૌધામ કોબડી ટ્રસ્ટ સંચાલીત શ્રી સર્વેશ્વર ગૌધામ આમંત્રણમહાતીર્થ રામપર જાહેર જાહેર આમંત્રણ કહે મહામહોત્સવ છે : ં ગોપી ગીત કથા એવમ્ વિરાટ સંત સંમેલન ।। કથા પ્રારંભ ।।1 ૧૨, ૧૩, ૧૪ નવેમ્બર-૨૦૨૬ || કથા સમય ।। સવારે ૮:૩૦ થી ૧૨:૩૦ આ ત્રણ દિવસ દરમ્યાન આજુબાજુનાં ૫૧ થી વધારે ગામના ગામ ધુમાડા બંધ રાખેલ છે. ।। શુભ સ્થળ ॥ શ્રી સર્વેશ્વર ગૌધામ મહાતીર્થ રામપર મુ. રામપર, તા. વલ્લભીપુર, જિ. ભાવનગર || હેલ્પલાઈન નં. ॥ કોબડી : ૦૦૬૯૦ ૨૦૨૦૨ રસમપર : ૭૦૬૯૦ ૯૦૨૦૨ વકતાશ્રી : પ.પૂ. મહંતશ્રી જયદેવશરણજી મહારાજ શ્રી સર્વેશ્વર ગૌધામ કોબડી ગોપી ગીત કથા અને સંત સંમેલન યોજાશે; ૫૧થી વધુ ગામોમાં ધુમાડાબંધ રાખવાનો સંકલ્પ ભાવનગર જિલ્લાના વલ્લભીપુર તાલુકાના રામપર ગામે શ્રી સર્વેશ્વર ગૌધામ મહાતીર્થ ખાતે ૧૨થી ૧૪ નવેમ્બર ૨૦૨૬ દરમિયાન ત્રિદિવસીય મહોત્સવ યોજાશે. શ્રી સર્વેશ્વર ગૌધામ કોબડી ટ્રસ્ટ તેનું આયોજન કરી રહ્યું છે. મહોત્સવમાં ગોપી ગીત કથા અને વિરાટ સંત સંમેલન યોજાશે. કથા પ.પૂ. મહંત જયદેવશરણજી મહારાજ સંભળાવશે. ત્રણેય દિવસ કથાનો સમય સવારે ૮:૩૦થી બપોરે ૧૨:૩૦ વાગ્યા સુધીનો રહેશે. આ પ્રસંગે આસપાસનાં ૫૧થી વધુ ગામોમાં ધુમાડાબંધ રાખવાનો સંકલ્પ કરવામાં આવ્યો છે. ટ્રસ્ટે ધર્મપ્રેમી લોકો, ભાવિક ભક્તો અને સંતપ્રેમીઓને કથા સાંભળવા તથા સંતોના આશીર્વાદ લેવા આમંત્રણ આપ્યું છે. મહોત્સવનું સ્થળ શ્રી સર્વેશ્વર ગૌધામ મહાતીર્થ, રામપર છે.

એકતાનગરના ભારત પર્વમાં રાજસ્થાની કઠપૂતળી કલાની રંગત, પેઢીઓ જૂની પરંપરાને જીવંત રાખી રહ્યા છે દિલ્હીથી આવેલા કલાકારો નર્મદા જિલ્લાના એકતાનગર ખાતે ચાલી રહેલા ભારત પર્વ-૨૦૨૬માં દેશની વિવિધ પ્રાદેશિક સંસ્કૃતિઓ અને પરંપરાગત કલાઓનો અનોખો સંગમ જોવા મળી રહ્યો છે. ‘શક્તિ ઓફ ભારત’ની થીમ સાથે યોજાયેલા આ મહોત્સવમાં દિલ્હીથી આવેલા કઠપૂતળીના કલાકારો પોતાની આગવી રજૂઆતથી પ્રવાસીઓનું ધ્યાન ખેંચી રહ્યા છે. રંગબેરંગી કઠપૂતળીઓ, લોકસંગીત અને રસપ્રદ લોકકથાઓના માધ્યમથી કલાકારો ભારતીય લોકસંસ્કૃતિની સમૃદ્ધ વિરાસતને જીવંત કરી રહ્યા છે. સ્ટેચ્યુ ઓફ યુનિટીની મુલાકાતે આવતા પ્રવાસીઓ માટે ભારત પર્વ વિશેષ આકર્ષણનું કેન્દ્ર બન્યું છે. અહીં દેશના વિવિધ પ્રદેશોની પરંપરા, પહેરવેશ, હસ્તકલા, હેન્ડલૂમ અને લોકજીવનને નજીકથી જાણવાની તક મળી રહી છે. વિવિધ રાજ્યોના પેવેલિયનની સાથે કઠપૂતળીની પરંપરાગત પ્રસ્તુતિ પણ મુલાકાતીઓમાં ઉત્સુકતા જગાવી રહી છે. દિલ્હી પ્રવાસન વિભાગના સહયોગથી પોતાની કળા રજૂ કરી રહેલા લાલા ભાટ, કૂકી ભાટ અને લોલક બહેન વર્ષોથી ચાલી આવતી કૌટુંબિક પરંપરાને આગળ વધારી રહ્યા છે. તેમના કઠપૂતળીના ખેલમાં અમરસિંહા ઢોલ, અનારકલી, ઢોલા-મારુની લોકપ્રસિદ્ધ પ્રેમગાથા, કવ્વાલી તેમજ ભાની પ્રસાદ જાદુગર જેવા વિવિધ પાત્રો અને કથાઓને જીવંત કરવામાં આવે છે. કઠપૂતળીઓની હિલચાલ અને સંગીતના તાલે રજૂ થતો આ ખેલ પ્રવાસીઓ માટે મનોરંજનની સાથે ભારતીય લોકકળાનો પરિચય કરાવતો માધ્યમ બની રહ્યો છે. કલાકાર લાલા ભાટના જણાવ્યા અનુસાર, કઠપૂતળીનો ખેલ તેમના પરિવારનો પરંપરાગત વ્યવસાય છે. તેમના દાદા-પરદાદાના સમયથી આ કળા દ્વારા લોકોનું મનોરંજન કરવામાં આવતું આવ્યું છે. પૂર્વજો પાસેથી મળેલા આ વારસાને તેઓ આજે પણ જાળવી રાખીને આગામી પેઢી સુધી પહોંચાડવાનો પ્રયાસ કરી રહ્યા છે. સમય બદલાયો હોવા છતાં પોતાની પરંપરાગત ઓળખ જાળવી રાખવી એ તેમના માટે મહત્વપૂર્ણ છે. કઠપૂતળીની કળા માત્ર મનોરંજન પૂરતી મર્યાદિત નથી, પરંતુ તેના માધ્યમથી સામાજિક પ્રશ્નો, નૈતિક મૂલ્યો અને જનજાગૃતિના સંદેશાઓ પણ લોકો સુધી પહોંચાડવામાં આવે છે. સંગીત, સંવાદો અને વિવિધ પાત્રોની રજૂઆત થકી સામાન્ય લોકો સુધી મહત્વપૂર્ણ વાતો સરળતાથી પહોંચાડી શકાય છે. આથી જ વર્ષો જૂની આ લોકકલા આજના સમયમાં પણ પોતાની આગવી ઓળખ જાળવી રહી છે. આધુનિક ટેકનોલોજી અને ડિજિટલ મનોરંજનના વધતા પ્રભાવ વચ્ચે પરંપરાગત લોકકળાઓને જીવંત રાખવી એક પડકારરૂપ બાબત બની છે. તેમ છતાં લાલા ભાટ સહિતના કલાકારો વિવિધ સાંસ્કૃતિક મંચો પર પોતાની કળાનું પ્રદર્શન કરીને આ વારસાને નવી પેઢી સુધી પહોંચાડવાનું કાર્ય કરી રહ્યા છે. ગુજરાતની ધરતી પર ભારત પર્વ જેવા રાષ્ટ્રીય આયોજનમાં પોતાની કળા રજૂ કરવાની તક મળતાં કલાકારોએ આનંદ અને ગૌરવની લાગણી વ્યક્ત કરી હતી. લાલા ભાટે આ સુંદર તક આપવા બદલ દિલ્હી પ્રવાસન વિભાગ અને ગુજરાત પ્રવાસન વિભાગનો આભાર માન્યો હતો. ભારત પર્વમાં દેશના વિવિધ રાજ્યોના કલાકારો, કારીગરો અને પરંપરાગત લોકકળાના સંવાહકો એક મંચ પર આવી રહ્યા છે. આવી સાંસ્કૃતિક રજૂઆતોના માધ્યમથી એક તરફ જૂની લોકપરંપરાઓને પ્રોત્સાહન મળી રહ્યું છે, તો બીજી તરફ નવી પેઢીને દેશની સમૃદ્ધ સાંસ્કૃતિક ઓળખ અને વારસાથી પરિચિત થવાની તક મળી રહી છે. આમ, એકતાનગરનું ભારત પર્વ દેશની વિવિધતામાં એકતા અને સાંસ્કૃતિક અખંડિતતાનો સંદેશ આપતું અનોખું મંચ બની રહ્યું છે.