હિમતનગરના માળીના છાપરિયા વિસ્તારમાંથી એમ.ડી. (મેફેડ્રોન) ડ્રગ્સના જથ્થા સાથે એક ઇસમને પકડી પાડી એન.ડી.પી.એસ. નો ગુન્હો શોધી કાઢતી હિંમતનગર બી ડીવીઝન પોલીસ...

અમદાવાદ શહેરના કૃષ્ણનગર વિસ્તારમાં ઠક્કરનગર કેનાલ પાસે આવેલી સુભાષ સ્કૂલની પાછળ શ્યામવિહાર ફ્લેટના પાર્કિંગમાં જાહેરમાં વિદેશી દારૂનું વેચાણ કરતા એક સ્થાનિક બુટલેગરને પોલીસે બાતમીના આધારે રંગેહાથ ઝડપી પાડ્યો છે. કૃષ્ણનગર પોલીસ સ્ટેશનના સર્વેલન્સ સ્ક્વોર્ડના જવાનો ખાનગી વાહનોમાં પેટ્રોલિંગમાં હતા, તે દરમિયાન સફેદ રંગની ટી-શર્ટ અને મરૂન કલરનો પેન્ટ પહેરેલો એક ઇસમ બહારથી વિદેશી દારૂનો જથ્થો લાવીને ફ્લેટના પાર્કિંગમાં ઊભો હોવાની ચોક્કસ બાતમી પોલીસ ને મળી હતી. આ બાતમીના આધારે પોલીસે તાત્કાલિક શ્યામવિહાર ફ્લેટના પાર્કિંગમાં સફળ રેડ પાડીને ત્યાં એક વજનદાર પ્લાસ્ટિકની થેલી સાથે ઊભેલા શખ્સને કોર્ડન કરીને પકડી લીધો હતો. પકડાયેલા ઇસમની પૂછપરછ કરતાં તેણે પોતાનું નામ જીતેષ ઉર્ફે જેકી નટવરભાઈ પરમાર (ઉંમર ૩૯ વર્ષ, ધંધો-છૂટક મજૂરી, રહેવાસી-મકાન નં. બી/૧, શ્યામવિહાર ફ્લેટ, કૃષ્ણનગર) હોવાનું જણાવ્યું હતું. પોલીસે તેની પ્લાસ્ટિકની થેલીની તપાસ કરતા તેમાંથી માત્ર રાજસ્થાનમાં જ વેચાણ માટે મંજૂરી ધરાવતો (For Sale in Rajasthan Only) ગેરકાયદેસર દારૂનો જથ્થો મળી આવ્યો હતો, જેમાં ‘મેજિક મુમેન્ટ્સ રોમિક્સ ગ્રીન એપલ ફ્લેવર્ડ રેડિયન્ટ વૉડકા’ ની ૧૮૦ એમએલની ૮ સીલબંધ પ્લાસ્ટિકની બોટલો (કિંમત ₹૧,૮૪૦) અને ‘રોયલ ચેલેન્જ પ્રીમિયમ ડીલક્સ વ્હિસ્કી’ ની ૧૮૦ એમએલની ૬ સીલબંધ પ્લાસ્ટિકની બોટલો (કિંમત ₹૧,૩૮૦) મળી આવી હતી. આરોપી પાસે આ દારૂનો જથ્થો રાખવા અંગેનું કોઈ પાસ કે પરમિટ ન હોવાથી પોલીસે કુલ ૧૪ નંગ દારૂની બોટલો સહિત ₹૩,૨૨૦ નો મુદ્દામાલ કબ્જે કરીને આરોપી વિરૂદ્ધ ધી પ્રોહિબિશન એક્ટની કલમ મુજબ કાયદેસરનો ગુનો નોંધી તેની ધરપકડ કરી છે. આ સમગ્ર મામલે કૃષ્ણનગર પોલીસે કાયદેસરની તપાસ હાથ ધરી છે.

પોલીસ ઇન્સ્પેક્ટશ્રી ડી.આર.પઢેરીયાના જણાવ્યા અનુસાર પઢેરિયા સાહેબ નાઓને ખાનગી રાહે બાતમી હકીકત મળેલ કે એક ચોરીના મોટર સાયકલ સાથે એક ઇસમ હિંમતનગરથી અમદાવાદ તરફ જનાર હોવાની હકિકત આધારે ઉપરોકત ટીમ તા.૨૯/૦૭/૨૦૨૬ ના રોજ કમાલપુર ગામની સીમમાં આવેલ કોલેજ ત્રણ રસ્તા રોડ ઉપર વાહન ચેકીંગમાં હતા તે દરમ્યાન એક નંબર પ્લેટ વગરનુ હિરો સ્પલેન્ડર પલ્સ મો.સા.ચાલકને શંકાસ્પદ રીતે ચલાવી લઇ આવતા તે ઇસમને મો.સા.સાથે રોકી તેની પાસે મો.સા.ના કાગળ માંગતા પોતાની પાસે નહી હોવાનુ જણાવતો હોઇ જેથી તે ઇસમનુ નામ પુછતા નિમૅલસિહ વાલસિહ ગરાસિયા ઉ.વ.૨૧ રહે.સરલી થાના. કોટડા તા.ઢેડમારીયા જી. ઉદેપુર(રાજસ્થાન) નો હોવાનું ગભરાયેલ હાલતમાં જણાતાં તે ઇસમ પાસેની મો.સા. જોતા હિરો સ્પ્લેન્ડર પ્લસ મો.સા. કાળા કલરની નંબર પ્લેટ વગરની જેનો એન્જીન નંબર નં. HALTE8R4A04807 તથા ચેસીસ નં.MBLHAW233R4A03493 નો જણાય છે જે મો.સા. બાબતે તે ઇસમ પાસે આધાર પુરાવા માંગતા નહિ હોવાનુ જણાવતા હોઇ જેથી મો.સા.ના એન્જીન / ચેચીસ નંબર ટેકનીકલ સર્વેલન્સ આધારે મો.સા.નો નંબર ચેક કરતા જેનો રજી.નંબર- RJ-24-S0-6488 નો જણાતાં તે ઇસમને યુક્તી પ્રયુક્તીથી પુછપરછ કરતાં આ મો.સા. રાજસ્થાન રાજયના સિરોહી જીલ્લાના રેવદર ગામે ખેતરમાંથી ચોરી કરેલ હોવાનુ જણાવતા આ મો.સા.બાબતે રેવદર પોલીસ સ્ટેશન ખાતે તપાસ કરતા રેવદર પોલીસ સ્ટેશન FIR નંબર-૦૦૩૭/૨૦૨૬ ભારતીય ન્યાય સંહીતા ૨૦૨૩ ની કલમ -૩૦૩(૨) મુજબનો ગુન્હો દાખલ થયેલ હોય જે આ હિરો સ્પ્લેન્ડર પલ્સ મો.સા. નંબર RJ-24-SQ-6488 ની કિ રૂપીયા -૩૦,૦૦૦/-ની ગણી તપાસ અર્થે કબ્જે કરવામાં આવેલ છે. અને આ પકડાયેલ આરોપીને પ્રાંતિજ પોસ્ટે લાવી યુક્તી પ્રયુક્તીથી વધુ પુછપરછ કરતા બીજા ૯ (નવ) મો.સા.ચોરી કરેલાની હકીકત જાણવા મળેલ છે..

ગિરનારની પવિત્ર ભૂમિ જૂનાગઢ ખાતે ધાર્મિક ઉત્સાહ અને સેવાભાવનો ઉત્કૃષ્ટ સંગમ જોવા મળ્યો છે.ગુરુપૂર્ણિમાના પવિત્ર પર્વે ભવનાથ ખાતે અન્નક્ષેત્રનો પ્રારંભ કરાયો હતો. ભવનાથ પોલીસ ચોકી પાસે ગુરુપૂર્ણિમા નિમિત્તે ધ્યાન સેવા કેન્દ્ર ને સહયોગ કરી ભક્તો માટે મહાપ્રસાદની વ્યવસ્થા કરાઈ હતી.આયોજકો અને ગુરુજનોને ખેસ અર્પણ કરી સન્માનિત કરેલ આ અન્નક્ષેત્રનો મુખ્ય ઉદ્દેશ્ય ગિરનાર ધામ ખાતે દર્શનાર્થે આવતા તમામ યાત્રાળુઓ અને સંતોને પ્રસાદ તથા ભોજન સેવા પૂરી પાડવાનો રહ્યો હતો. સવારથી જ શરૂ થયેલા આ અન્નક્ષેત્રમાં મોટી સંખ્યામાં શ્રદ્ધાળુઓ અને દર્શનાર્થીઓએ મહાપ્રસાદનો લાભ લીધો હતો.

ધોરાજી: સ્વ. વિઠ્ઠલભાઈ રાદડિયાની 7મી વાર્ષિક પુણ્યતિથિ નિમિત્તે માનવસેવાર્થે ભવ્ય રક્તદાન કેમ્પ યોજાયો ધોરાજી ખાતે સ્વ. વિઠ્ઠલભાઈ રાદડિયાની 7મી વાર્ષિક પુણ્યતિથિ નિમિત્તે રક્તદાન કેમ્પનું આયોજન કરવામાં આવ્યું હતું. માનવસેવા અને જનકલ્યાણના ઉમદા હેતુથી યોજાયેલા આ કેમ્પની શરૂઆત સ્વ. વિઠ્ઠલભાઈની તસવીરને પુષ્પાંજલિ અર્પણ કરીને કરવામાં આવી હતી. આ પ્રસંગે તેમની સેવાભાવી કાર્યશૈલીને યાદ કરીને મોટી સંખ્યામાં યુવાનો અને સામાજિક આગેવાનોએ ઉત્સાહભેર રક્તદાન કર્યું હતું. ઉપસ્થિત મહાનુભાવોએ રક્તદાનને મહાદાન ગણાવી આ સેવાકાર્યને સ્વ. રાદડિયા માટેની સાચી શ્રદ્ધાંજલિ સમાન ગણાવી હતી. આ કેમ્પમાં બ્લડ બેંકની નિષ્ણાત તબીબી ટીમ દ્વારા રક્ત એકત્ર કરાયું હતું અને રક્તદાતાઓને પ્રમાણપત્ર તેમજ સ્મૃતિચિહ્ન એનાયત કરાયા હતા. આ સમગ્ર કાર્યક્રમને સફળ બનાવવા ધોરજી હિન્દુ યુવક્ સંઘ દ્વારા આયોજકો, સ્વયંસેવકો અને તબીબી સ્ટાફે ભારે જહેમત ઉઠાવી રક્તદાતાઓનો આભાર વ્યક્ત કર્યો હતો. રિપોર્ટર દિપકભાઈ રાવરાણી

બાયડ ની સનરાઈઝ સ્કુલમાં ગુરુ પુનમ ની ઉજવણી કરવામાં આવી બાયડ એની સનરાઈઝ સ્કુલમાં ગુરુ પુનમની ભવ્ય ઉજવણી કરવામાં આવી હતી જેમાં ભારત વિકાસ પરિષદ ના પ્રમુખ કુમુદભાઈ, ઉપપ્રમુખ , અતુલભાઈ મહેતા , મંત્રી , સંયોજક આ કાર્યક્રમના મહાનુભાવો એ ગુરુપૂર્ણિમા વિશે ખૂબ જ સરસ વાત રજૂ કરી હતી શાળાના મેનેજમેન્ટ ટ્રસ્ટી રાજેશભાઈ ગઢવી ગુરુપૂર્ણિમા વિશે શિષ્ય ગુરુ વિશે ખુબ સરસ વાત કરી હતી શાળા ના આચાર્ય તેમજ શિક્ષકો, વિદ્યાર્થીઓ મોટી સંખ્યામાં ઉપસ્થિત રહ્યા હતા