જિલ્લા કોંગ્રેસ પ્રમુખ સ્નેહલ ઠાકરેની આગેવાનીમાં ડાંગના કોંગ્રેસ આગેવાનોએ ડિઝાસ્ટર કંટ્રોલ રૂમ અને મામલતદાર કચેરીની મુલાકાત લીધી**ડાંગમાં ભારે વરસાદ અને ભૂકંપના આંચકાની સ્થિતિ અંગે સમીક્ષા કરાઈ; કોંગ્રેસ સમિતિ દ્વારા જનતાની સેવામાં તત્પર રહેવાની ખાતરી અપાઈ*રિપોર્ટર ભાવેશ ચૌધરી આહવા ડાંગ અખંડ ભારત

આહવા : તા. ૩૦: ભારતીય હવામાન વિભાગ દ્વારા ડાંગ જિલ્લા સહિત સમગ્ર રાજ્યમાં ભારેથી અતિભારે વરસાદની આગાહીના પગલે રેડ એલર્ટ જાહેર કરવામાં આવ્યું છે. આજે, તા. ૩૦ જુલાઈના રોજ બપોર બાદ ઓરેન્જ એલર્ટ તથા આવતીકાલે, તા. ૩૧ જુલાઈના રોજ રેડ એલર્ટ જાહેર કરાયું છે, જેના કારણે પવન સાથે અતિભારે વરસાદ વરસવાની પૂરેપૂરી સંભાવના છે. પૂર્વતૈયારીના ભાગરૂપે તેમજ વરસાદની આ પરિસ્થિતિમાં વિદ્યાર્થીઓ અને નાગરિકોની સુરક્ષાને ધ્યાને રાખી ડાંગ જિલ્લા કલેક્ટર શ્રી એન.ડી. પરમાર દ્વારા જિલ્લાની તમામ શૈક્ષણિક સંસ્થાઓમાં આવતીકાલે શૈક્ષણિક કાર્ય બંધ રાખી રજા જાહેર કરવામાં આવી છે. ભારે વરસાદની આગાહીના પગલે કલેક્ટરશ્રી દ્વારા આહવા, વઘઈ અને સુબીર તાલુકામાં લાઇઝન અધિકારીશ્રીઓની નિમણૂક કરવામાં આવી છે તેમજ તમામ સ્ટાફને સ્ટેન્ડબાય રાખવામાં આવ્યો છે. રજા પર ગયેલા તમામ અધિકારીઓ અને કર્મચારીઓની રજાઓ તાત્કાલિક અસરથી રદ કરવામાં આવી છે અને તેઓને ફરજિયાતપણે હેડક્વાર્ટર પર હાજર રહેવા સૂચના આપવામાં આવી છે. જિલ્લા કલેક્ટરશ્રીએ વધુમાં જણાવ્યું હતું કે, ફોરેસ્ટ, માર્ગ અને મકાન વિભાગ તથા ગૃહ વિભાગના અધિકારીઓ સાથે પરસ્પર સંકલન સાધીને ઓવરટોપિંગ થાય તેવા કોઝવે અને રસ્તાઓ પર પોલીસ તથા હોમગાર્ડના જવાનો તૈનાત કરી દેવામાં આવ્યા છે. કલેક્ટરશ્રીએ ડાંગના તમામ નાગરિકોને સાવચેત રહેવા, બિનજરૂરી ઘરની બહાર ન નીકળવા અને નદી-નાળા વાળા વિસ્તારોમાં ન જવાની અપીલ કરી છે. આ ઉપરાંત પ્રવાસીઓને જળધોધ કે જળાશયોમાં પ્રવેશ ન કરવા, પશુપાલકોને જોખમી જગ્યાએ પશુઓ ન લઈ જવા તેમજ તમામ લોકોને સુરક્ષિત સ્થળે રહેવા જણાવાયું છે. ઉલ્લેખનીય છે કે, ગાંધીનગર ખાતેથી અધિક મુખ્ય સચિવશ્રીના અધ્યક્ષસ્થાને કુદરતી આપત્તિ અને ડિઝાસ્ટર મેનેજમેન્ટને લગતી ઓનલાઇન સમીક્ષા બેઠક યોજાઈ હતી, જેમાં ડાંગ જિલ્લા કલેક્ટરશ્રી, જિલ્લા વિકાસ અધિકારીશ્રી સહિત જિલ્લાના તમામ ઉચ્ચ અધિકારીઓ ઉપસ્થિત રહ્યા હતા.

અમદાવાદ શહેરના કૃષ્ણનગર વિસ્તારમાં ઠક્કરનગર કેનાલ પાસે આવેલી સુભાષ સ્કૂલની પાછળ શ્યામવિહાર ફ્લેટના પાર્કિંગમાં જાહેરમાં વિદેશી દારૂનું વેચાણ કરતા એક સ્થાનિક બુટલેગરને પોલીસે બાતમીના આધારે રંગેહાથ ઝડપી પાડ્યો છે. કૃષ્ણનગર પોલીસ સ્ટેશનના સર્વેલન્સ સ્ક્વોર્ડના જવાનો ખાનગી વાહનોમાં પેટ્રોલિંગમાં હતા, તે દરમિયાન સફેદ રંગની ટી-શર્ટ અને મરૂન કલરનો પેન્ટ પહેરેલો એક ઇસમ બહારથી વિદેશી દારૂનો જથ્થો લાવીને ફ્લેટના પાર્કિંગમાં ઊભો હોવાની ચોક્કસ બાતમી પોલીસ ને મળી હતી. આ બાતમીના આધારે પોલીસે તાત્કાલિક શ્યામવિહાર ફ્લેટના પાર્કિંગમાં સફળ રેડ પાડીને ત્યાં એક વજનદાર પ્લાસ્ટિકની થેલી સાથે ઊભેલા શખ્સને કોર્ડન કરીને પકડી લીધો હતો. પકડાયેલા ઇસમની પૂછપરછ કરતાં તેણે પોતાનું નામ જીતેષ ઉર્ફે જેકી નટવરભાઈ પરમાર (ઉંમર ૩૯ વર્ષ, ધંધો-છૂટક મજૂરી, રહેવાસી-મકાન નં. બી/૧, શ્યામવિહાર ફ્લેટ, કૃષ્ણનગર) હોવાનું જણાવ્યું હતું. પોલીસે તેની પ્લાસ્ટિકની થેલીની તપાસ કરતા તેમાંથી માત્ર રાજસ્થાનમાં જ વેચાણ માટે મંજૂરી ધરાવતો (For Sale in Rajasthan Only) ગેરકાયદેસર દારૂનો જથ્થો મળી આવ્યો હતો, જેમાં ‘મેજિક મુમેન્ટ્સ રોમિક્સ ગ્રીન એપલ ફ્લેવર્ડ રેડિયન્ટ વૉડકા’ ની ૧૮૦ એમએલની ૮ સીલબંધ પ્લાસ્ટિકની બોટલો (કિંમત ₹૧,૮૪૦) અને ‘રોયલ ચેલેન્જ પ્રીમિયમ ડીલક્સ વ્હિસ્કી’ ની ૧૮૦ એમએલની ૬ સીલબંધ પ્લાસ્ટિકની બોટલો (કિંમત ₹૧,૩૮૦) મળી આવી હતી. આરોપી પાસે આ દારૂનો જથ્થો રાખવા અંગેનું કોઈ પાસ કે પરમિટ ન હોવાથી પોલીસે કુલ ૧૪ નંગ દારૂની બોટલો સહિત ₹૩,૨૨૦ નો મુદ્દામાલ કબ્જે કરીને આરોપી વિરૂદ્ધ ધી પ્રોહિબિશન એક્ટની કલમ મુજબ કાયદેસરનો ગુનો નોંધી તેની ધરપકડ કરી છે. આ સમગ્ર મામલે કૃષ્ણનગર પોલીસે કાયદેસરની તપાસ હાથ ધરી છે.

પોલીસ ઇન્સ્પેક્ટશ્રી ડી.આર.પઢેરીયાના જણાવ્યા અનુસાર પઢેરિયા સાહેબ નાઓને ખાનગી રાહે બાતમી હકીકત મળેલ કે એક ચોરીના મોટર સાયકલ સાથે એક ઇસમ હિંમતનગરથી અમદાવાદ તરફ જનાર હોવાની હકિકત આધારે ઉપરોકત ટીમ તા.૨૯/૦૭/૨૦૨૬ ના રોજ કમાલપુર ગામની સીમમાં આવેલ કોલેજ ત્રણ રસ્તા રોડ ઉપર વાહન ચેકીંગમાં હતા તે દરમ્યાન એક નંબર પ્લેટ વગરનુ હિરો સ્પલેન્ડર પલ્સ મો.સા.ચાલકને શંકાસ્પદ રીતે ચલાવી લઇ આવતા તે ઇસમને મો.સા.સાથે રોકી તેની પાસે મો.સા.ના કાગળ માંગતા પોતાની પાસે નહી હોવાનુ જણાવતો હોઇ જેથી તે ઇસમનુ નામ પુછતા નિમૅલસિહ વાલસિહ ગરાસિયા ઉ.વ.૨૧ રહે.સરલી થાના. કોટડા તા.ઢેડમારીયા જી. ઉદેપુર(રાજસ્થાન) નો હોવાનું ગભરાયેલ હાલતમાં જણાતાં તે ઇસમ પાસેની મો.સા. જોતા હિરો સ્પ્લેન્ડર પ્લસ મો.સા. કાળા કલરની નંબર પ્લેટ વગરની જેનો એન્જીન નંબર નં. HALTE8R4A04807 તથા ચેસીસ નં.MBLHAW233R4A03493 નો જણાય છે જે મો.સા. બાબતે તે ઇસમ પાસે આધાર પુરાવા માંગતા નહિ હોવાનુ જણાવતા હોઇ જેથી મો.સા.ના એન્જીન / ચેચીસ નંબર ટેકનીકલ સર્વેલન્સ આધારે મો.સા.નો નંબર ચેક કરતા જેનો રજી.નંબર- RJ-24-S0-6488 નો જણાતાં તે ઇસમને યુક્તી પ્રયુક્તીથી પુછપરછ કરતાં આ મો.સા. રાજસ્થાન રાજયના સિરોહી જીલ્લાના રેવદર ગામે ખેતરમાંથી ચોરી કરેલ હોવાનુ જણાવતા આ મો.સા.બાબતે રેવદર પોલીસ સ્ટેશન ખાતે તપાસ કરતા રેવદર પોલીસ સ્ટેશન FIR નંબર-૦૦૩૭/૨૦૨૬ ભારતીય ન્યાય સંહીતા ૨૦૨૩ ની કલમ -૩૦૩(૨) મુજબનો ગુન્હો દાખલ થયેલ હોય જે આ હિરો સ્પ્લેન્ડર પલ્સ મો.સા. નંબર RJ-24-SQ-6488 ની કિ રૂપીયા -૩૦,૦૦૦/-ની ગણી તપાસ અર્થે કબ્જે કરવામાં આવેલ છે. અને આ પકડાયેલ આરોપીને પ્રાંતિજ પોસ્ટે લાવી યુક્તી પ્રયુક્તીથી વધુ પુછપરછ કરતા બીજા ૯ (નવ) મો.સા.ચોરી કરેલાની હકીકત જાણવા મળેલ છે..

તા.૨૯/૦૭/૨૦૨૬ ના રોજપોલીસ સ્ટાફ તથા સર્વેલન્સ સ્કોર્ડના માણસો પો.સ્ટે. હાજર હતા તેવામાં સર્વેલન્સ સ્ટાફના અ.પો.કો.હિતેષકુમાર રમણભાઈ નાઓને તેમના અંગત બાતમીદારથી ખાનગી બાતમી મળેલ કે, માળીના છાપરીયા ખાતે મહાકાલી માતાજીનું મંદિર આવેલ છે અને તેની બાજુમાં રહેતા ગોપાલભાઈ અર્જુનભાઈ ગવારીયા નાઓએ તેમના કબ્જા ભોગવટાની નાની ઓરડીમાં માદક પદાર્થ એમ.ડી. (મેફેડ્રોન ડ્રગ્સ) રાખેલ છે. તેવી હકીકત આધારે અમો તથા પોલીસ સ્ટાફના માણસો સાથે તે ઇસમના ઘરે જરૂરી કાર્યવાહી કરી રેઇડ કરતાં તે ઇસમના ઘરે જઇ તપાસ કરતાં ગોપાલભાઇ અર્જુનભાઈ ગવારીયા રહે.ગવારીયાવાસ, મહાકાલી માતાજીના મંદિરની બાજુમાં,માળીના છાપરીયા, તા. હિંમતનગર જી.સાબરકાંઠા વાળો હાજર મળી આવતાં તેની અંગઝડતી કરતાં તેને પહેરેલ નાઈટીના ખિસ્સામાંથી ગેરકાયદેસર મેફેડ્રોન (એમ.ડી.) નો જથ્થો ૪.૮૪ ગ્રામ મળી આવેલ જેની આંતરરાષ્ટ્રીય બજાર કિંમત-પ્રમાણે કિ.રૂ.૧૪,૫૨૦ /- તથા મોબાઇલ ફોન કિ.રૂ.૫૦૦૦/- તથા આધારકાર્ડ સાથે મળી આવતાં કુલ કિ.રૂ.૧૯,૫૨૦/- સાથે મળી આવતાં તેના વિરૂધ્ધ કાયદેસરની કાર્યવાહી કરવામાં આવેલ છે.

ગિરનારની પવિત્ર ભૂમિ જૂનાગઢ ખાતે ધાર્મિક ઉત્સાહ અને સેવાભાવનો ઉત્કૃષ્ટ સંગમ જોવા મળ્યો છે.ગુરુપૂર્ણિમાના પવિત્ર પર્વે ભવનાથ ખાતે અન્નક્ષેત્રનો પ્રારંભ કરાયો હતો. ભવનાથ પોલીસ ચોકી પાસે ગુરુપૂર્ણિમા નિમિત્તે ધ્યાન સેવા કેન્દ્ર ને સહયોગ કરી ભક્તો માટે મહાપ્રસાદની વ્યવસ્થા કરાઈ હતી.આયોજકો અને ગુરુજનોને ખેસ અર્પણ કરી સન્માનિત કરેલ આ અન્નક્ષેત્રનો મુખ્ય ઉદ્દેશ્ય ગિરનાર ધામ ખાતે દર્શનાર્થે આવતા તમામ યાત્રાળુઓ અને સંતોને પ્રસાદ તથા ભોજન સેવા પૂરી પાડવાનો રહ્યો હતો. સવારથી જ શરૂ થયેલા આ અન્નક્ષેત્રમાં મોટી સંખ્યામાં શ્રદ્ધાળુઓ અને દર્શનાર્થીઓએ મહાપ્રસાદનો લાભ લીધો હતો.