(૨)*ન્યૂઝ રિપોર્ટર ઘિસારામ ચૌધરી**ગુજરાત વિધાનસભાના નાયબ મુખ્ય દંડક શ્રી વિજયભાઇ પટેલના અધ્યક્ષ સ્થાને એ.ટી.વી.ટી કાર્યવાહક સમિતિની બેઠક યોજાઇ :*

તા:૩૦/૦૭/૨૦૨૬​પ્રેસનોટમહાનગર પાલિકા,જૂનાગઢ દ્વારા ​અર્બન પ્રાયમરી હેલ્થ સેન્ટર દોલતપરા દ્વારા GIDC - 2 વિસ્તારમાં ચાંદીપુરા અને વાહકજન્ય રોગો સામે સઘન આરોગ્ય ઝુંબેશ...શ્રમિકો માટે મેડિકલ કેમ્પ તથા વિનામૂલ્યે દવાઓનું વિતરણ...​અર્બન પ્રાયમરી હેલ્થ સેન્ટર (UPHC) દોલતપરા દ્વારા આજે વોર્ડ નંબર 01 માં આવેલ GIDC - 2 વિસ્તારમાં નાગરિકો તેમજ શ્રમિકોના સ્વાસ્થ્ય રક્ષણ અર્થે ખાસ કરીને ચાંદીપુરા રોગ અને વાહકજન્ય રોગોના નિયંત્રણ માટે સઘન આરોગ્ય ઝુંબેશ હાથ ધરવામાં આવી હતી. આ ઝુંબેશ અંતર્ગત GIDC - 2 વિસ્તારમાં આવેલા કારખાનાઓમાં કામ કરતા અને ત્યાં જ નિવાસ કરતા શ્રમિકો તેમજ સ્થાનિક રહીશો માટે આરોગ્ય તપાસ, રોગજાગૃતિ અને રોગ અટકાયતી વિવિધ કામગીરીઓ એકસાથે હાથ ધરવામાં આવી હતી. ​આ ઝુંબેશ દરમિયાન આરોગ્ય ટીમ દ્વારા મેડિકલ કેમ્પનું આયોજન કરી મેડિકલ ઑફિસર તથા એ.એન.એમ. દ્વારા શારીરિક તપાસ હાથ ધરીને ૪૨ જેટલા લાભાર્થીઓને જરૂરિયાત મુજબ વિનામૂલ્યે દવાઓનું વિતરણ કરવામાં આવ્યું હતું, તેમજ નિદાન પ્રક્રિયાના ભાગરૂપે ૦૯ જેટલી બ્લડ સ્લાઇડ લેવામાં આવી હતી. આ ઉપરાંત, પાણીજન્ય અને વાહકજન્ય રોગોને અટકાવવા માટે ૦૫ વોટર સેમ્પલ કલેક્શન કરી સ્થાનિકોને ક્લોરિન ટેબ્લેટનું વિતરણ કરવામાં આવ્યું હતું.​રોગચાળો ફેલાતો અટકાવવાના ભાગરૂપે મચ્છર તેમજ રેતીમાખીના ઉપદ્રવ પર કાબૂ મેળવવા માટે ૫૨ જેટલા કારખાનાઓમાં એન્ટિ-લાર્વલ કામગીરી કરવામાં આવી હતી અને સમગ્ર વિસ્તારમાં સઘન ફોગિંગ હાથ ધરાયું હતું. આ સાથે જ, આરોગ્ય ટીમ દ્વારા સ્થાનિકોને ચાંદીપુરા વાયરસના લક્ષણો, તેનાથી બચવાના ઉપાયો અને રેતીમાખી (Sandfly) તેમજ મચ્છરોથી સાવચેત રહેવા અંગે ઉપયોગી માર્ગદર્શન પૂરું પાડીને જાગૃતિ ફેલાવવામાં આવી હતી.

અશ્વિન સોલંકી - મોડદર પ્રાથમિક શાળામાં ગુરુપૂર્ણિમાં ઉત્સવ ઉજવવામાં આવ્યો જેમાં વિધાથીર્ઓ દ્વારા ગુરુમંત્ર સાથે પ્રતિ સ્પર્ધા પણ રાખેલ જેમાં વિદ્યાર્થીઓને શિક્ષકો દ્વારા ઈનામ આપેલ જેમાં મોડદર પ્રાથમિક શાળાના આચાર્ય શ્રી પરિયા વિનોદ સાહેબ તેમજ શિક્ષકો એ પ્રથમ ક્રમ પર ઇનામ આપેલ જેમા પાંચમાં ધોરણના વિદ્યાર્થી સોલંકી પિનાક દ્વારા ખુબજ સરસ રીતે પ્રોજેક્ટ તૈયાર કર્યો હતો જે બદલ શિક્ષકો દ્વારા વિધાર્થીને સન્માનિત કરવામાં આવેલ

ખેડા જિલ્લામાં ભારે પવન સાથે વરસાદનીસંભાવના આગામી ૩૧ જુલાઈ અને ૧ ઓગસ્ટ ના દિવસોમાં ગુજરાત સહિત ખેડા જિલ્લામાં ભારે પવન સાથે વરસાદ ની આગાહી ની પરિસ્થિતિની પુર્વ તૈયારીઓનાં ભાગરૂપે આગોતરુ આયોજન કરવા કલેક્ટર એન.વી.ઉપાધ્યાયની અધ્યક્ષતામાં મહત્વપુર્ણ વિડીઓ કોન્ફરન્સ યોજાઈ જેમાં જિલ્લામાં જોખમી હોર્ડીંગ્સ હટાવવાની કામગીરી,શેલ્ટર હોમ,યોગ્ય સંચાર માટે જિલ્લા અને તાલુકા કક્ષાએ કંટ્રોલરૂમ કાર્યરત, ખેડા જિલ્લામાં ભારે પવન સાથે વરસાદની સંભાવનાને ધ્યાનમાં રાખીને અપીલ કરી છે.કલેક્ટર શ્રીએ જણાવ્યું હતું કે ભારે વરસાદ અને પવન દરમિયાન નાગરિકોએ અત્યંત જરૂરી કામ હોય ત્યારે જ ઘરની બહાર નીકળવું તેમજ હવામાન વિભાગ અને સ્થાનિક તંત્ર દ્વારા આપવામાં આવતી સૂચનાઓનું પાલન કરવું. ખાસ કરીને નીચાણવાળા વિસ્તારોમાં રહેતા લોકોએ સાવચેતી રાખવી અને જો પાણી ભરાવાની સ્થિતિ સર્જાય તો સ્થાનિક તંત્રના માર્ગદર્શન મુજબ સુરક્ષિત સ્થળે સ્થળાંતર કરવું.આ ઉપરાંત તેમણે જણાવ્યું કે ભારે વરસાદના કારણે અસરગ્રસ્ત વિસ્તારોમાં જો લોકોને સ્થળાંતર કરવાની જરૂર પડશે, તો નડિયાદના સુપ્રસિદ્ધ સંતરામ મંદિર ટ્રસ્ટ દ્વારા અસરગ્રસ્ત લોકો માટે ભોજનની વ્યવસ્થા કરવામાં આવશે, જેથી મુશ્કેલીની ઘડીએ લોકોને જરૂરી સહાય મળી રહે.કલેક્ટર એન વી ઉપાધ્યાય તમામ નાગરિકોને અફવાઓથી દૂર રહી સત્તાવાર માહિતી પર વિશ્વાસ રાખવા અને કોઈપણ આપત્તિજનક પરિસ્થિતિમાં તંત્રને સહકાર આપવા અપીલ કરી છે..*રિપોર્ટર: હસમુખભાઈ નાયક ખેડા,*

મહમદપુરામાં સ્વૈચ્છિક રક્તદાન કેમ્પ યોજાયો : 30 યુનિટ રક્ત એકત્રિત, મહિલાઓની ઉત્સાહભરી ભાગીદારી મહમદપુરા, તા. 30 જુલાઈ, 2026 (ગુરુવાર): સતલાસણા તાલુકાના તાલેગઢ જૂથ ગ્રામ પંચાયત અંતર્ગત મહમદપુરા ગામ ખાતે મહમદપુરા મસ્જિદની બાજુમાં આવેલા હોલમાં સ્વૈચ્છિક રક્તદાન કેમ્પનું સફળ આયોજન કરવામાં આવ્યું હતું. માનવસેવા અને સમાજકલ્યાણના આ પવિત્ર કાર્યમાં ગામના યુવાનો, વડીલો તેમજ મહિલાઓએ ઉત્સાહપૂર્વક ભાગ લઈને કુલ 30 યુનિટ રક્તદાન કર્યું. કેમ્પમાં મુખ્ય મહેમાન તરીકે ડૉ. સલમાન સાહેબ (હિવા હોસ્પિટલ, દાંતા) ઉપસ્થિત રહ્યા હતા. તેમણે રક્તદાનના મહત્વ અંગે માર્ગદર્શન આપતાં જણાવ્યું હતું કે, નિયમિત રક્તદાન દ્વારા અનેક દર્દીઓનું જીવન બચાવી શકાય છે અને દરેક સ્વસ્થ વ્યક્તિએ સમયાંતરે રક્તદાન કરવું જોઈએ. કેમ્પની વિશેષતા તરીકે મહિલાઓ માટે અલગ મહિલા તબીબી સ્ટાફ તથા સંપૂર્ણ પરદાની વિશેષ વ્યવસ્થા કરવામાં આવી હતી. જેના કારણે બહેનોએ પણ નિઃસંકોચ રીતે રક્તદાનમાં ભાગ લઈને સમાજ માટે પ્રેરણાદાયી ઉદાહરણ પૂરું પાડ્યું હતું. આયોજક સરપંચશ્રી ઉસ્માનભાઈ નુરમહમદભાઈએ જણાવ્યું હતું કે, "રક્તદાન એ મહાદાન છે. એક યુનિટ રક્ત અનેક દર્દીઓના જીવનમાં આશાનો કિરણ બની શકે છે. સમાજમાં વધુમાં વધુ લોકો નિયમિત રક્તદાન માટે આગળ આવે તે જ આ અભિયાનનો મુખ્ય હેતુ છે." કેમ્પ દરમિયાન બીકે વોલેન્ટરી બ્લડ સેન્ટર, પાલનપુરના તબીબી સ્ટાફ દ્વારા રક્ત એકત્રિત કરવામાં આવ્યું હતું. કેમ્પના સફળ આયોજન બદલ બ્લડ સેન્ટર દ્વારા સમગ્ર મહમદપુરા ગામને સન્માનપત્ર અર્પણ કરવામાં આવ્યું હતું. ઉપરાંત તમામ રક્તદાતાઓને તેમની નિઃસ્વાર્થ સેવા બદલ સન્માનપત્ર અને આકર્ષક ભેટ આપી સન્માનિત કરવામાં આવ્યા હતા. આ કાર્યક્રમને સફળ બનાવવા માટે ડેપ્યુટી સરપંચશ્રી રસુલભાઈ નુરમહમદભાઈ, મંત્રીશ્રી અબ્બાસભાઈ પીરાભાઈ, સરફીભાઈ રહીમભાઈ, રહીશભાઈ રહીમભાઈ, ઈસ્માઈલભાઈ રહીમભાઈ, ગામના આગેવાનો, યુવાનો, સ્વયંસેવકો તથા ગ્રામજનોએ નોંધપાત્ર જહેમત ઉઠાવી હતી. કાર્યક્રમના અંતે આયોજક મંડળે મુખ્ય મહેમાન, બીકે વોલેન્ટરી બ્લડ સેન્ટરના તબીબી સ્ટાફ, તમામ રક્તદાતાઓ તેમજ સહયોગી સૌનો આભાર વ્યક્ત કર્યો હતો. 30 યુનિટ રક્ત એકત્રિત કરવાની આ સિદ્ધિ માત્ર એક આંકડો નથી, પરંતુ માનવસેવા, સામાજિક એકતા અને સેવાભાવનો પ્રેરણાદાયી સંદેશ સમગ્ર વિસ્તારમાં પહોંચાડનાર સફળ પહેલ બની છે.

જિલ્લા માર્ગ સલામતી સમિતિ, સુરત જિલ્લા વહીવટીતંત્ર અને પ્રાદેશિક વાહન વ્યવહાર કચેરી (RTO)ના સંયુક્ત ઉપક્રમે માર્ગ સલામતી અંગે જનજાગૃતિ ફેલાવવા માટે આગામી 1 ઓગસ્ટના રોજ બારડોલી તાલુકાના સાંકરી સ્થિત સ્વામિનારાયણ મંદિર ખાતે મેગા હેલ્મેટ વિતરણ કાર્યક્રમ યોજવામાં આવશે. કાર્યક્રમ દરમિયાન આશરે 1,500 જેટલા વિદ્યાર્થી-વિદ્યાર્થીનીઓને વિનામૂલ્યે હેલ્મેટનું વિતરણ કરવામાં આવશે. આ અભિયાનનો મુખ્ય હેતુ યુવાનોમાં હેલ્મેટ પહેરવાની આદત વિકસાવવી તેમજ માર્ગ અકસ્માતોમાં થતા મૃત્યુ અને ગંભીર ઇજાઓમાં ઘટાડો લાવવાનો છે. બારડોલી આર.ટી.ઓ. કચેરી ખાતે યોજાયેલી પત્રકાર પરિષદમાં માહિતી આપતાં અધિકારી સી.ડી. પટેલે જણાવ્યું હતું કે, ગુજરાત રાજ્યમાં નોંધાતા માર્ગ અકસ્માતોમાં દ્વિચક્રી વાહનચાલકોના મૃત્યુ અને ગંભીર ઇજાઓના પ્રમાણમાં સુરત જિલ્લો ચિંતાજનક સ્થિતિમાં છે. અકસ્માતોના મોટાભાગના બનાવોમાં હેલ્મેટ વગર વાહન ચલાવવાના કારણે માથાના ભાગે ગંભીર અને જીવલેણ ઇજાઓ થતી હોવાનું સામે આવ્યું છે. તેમણે વધુમાં જણાવ્યું હતું કે, ખાસ કરીને શાળા અને કોલેજોમાં અભ્યાસ કરતા અનેક વિદ્યાર્થીઓ હેલ્મેટ વિના દ્વિચક્રી વાહન ચલાવતા જોવા મળે છે. આ પરિસ્થિતિને ધ્યાનમાં રાખીને માર્ગ સલામતી અંગે જાગૃતિ લાવવા અને યુવાનોમાં જવાબદારીની ભાવના વિકસે તે માટે આ વિશેષ કાર્યક્રમનું આયોજન કરવામાં આવ્યું છે. કાર્યક્રમમાં જિલ્લા કલેક્ટર, જિલ્લા પોલીસ વડા, પ્રાદેશિક વાહન વ્યવહાર કચેરીના વરિષ્ઠ અધિકારીઓ, જિલ્લા માર્ગ સલામતી સમિતિના સભ્યો તેમજ વિવિધ શૈક્ષણિક સંસ્થાઓના પ્રતિનિધિઓ ઉપસ્થિત રહેશે. વિદ્યાર્થીઓને માત્ર હેલ્મેટનું વિતરણ જ નહીં, પરંતુ માર્ગ સલામતીના નિયમો, ટ્રાફિક શિસ્ત અને સુરક્ષિત વાહનચાલન અંગે માર્ગદર્શન પણ આપવામાં આવશે. આગામી સમયમાં બારડોલી પ્રદેશમાં દ્વિચક્રી વાહન ચલાવતા, માન્ય ડ્રાઇવિંગ લાયસન્સ ધરાવતા પરંતુ નિયમિત હેલ્મેટનો ઉપયોગ ન કરતા વિદ્યાર્થીઓનો સર્વે હાથ ધરી તેમની નોંધણી કરવાની પણ યોજના તૈયાર કરવામાં આવી છે. આ માટે બારડોલી વિસ્તારની વિવિધ શૈક્ષણિક સંસ્થાઓમાં નોંધણીની કામગીરી પૂર્ણ થઈ ચૂકી હોવાનું અધિકારીઓએ જણાવ્યું હતું. માર્ગ અકસ્માતોમાં માનવજીવનની સુરક્ષા સર્વોપરી છે તે સંદેશ સાથે યોજાનારો આ મેગા હેલ્મેટ વિતરણ કાર્યક્રમ યુવાનોમાં ટ્રાફિક નિયમો પ્રત્યે જાગૃતિ લાવશે અને સુરક્ષિત વાહનચાલનની સંસ્કૃતિ વિકસાવવામાં મહત્વપૂર્ણ સાબિત થશે. બારડોલી આર.ટી.ઓ. કચેરી દ્વારા માર્ગ સલામતી માટે અપનાવવામાં આવેલો આ નવતર અને લોકહિતનો અભિગમ સર્વત્ર પ્રશંસનીય માનવામાં આવી રહ્યો છે.