ખોડામલી પ્રાથમિક શાળાનું ગૌરવ: જિલ્લા લેવલ સ્પોર્ટ્સ સ્કૂલમાં વિદ્યાર્થીનીની પસંદગી

ખોડામલી પ્રાથમિક શાળાનું ગૌરવ: જિલ્લા લેવલ સ્પોર્ટ્સ સ્કૂલમાં વિદ્યાર્થીનીની પસંદગી તા. સતલાસણા, જી. મહેસાણા ખાતે આવેલી ખોડામલી પ્રાથમિક શાળાની વિદ્યાર્થીની ઠાકોર પૂનમબેન સોમાજી અને ઠાકોર સાનિયાબેન લાલાજી ની સ્પોર્ટ્સ ઓથોરિટી ઓફ ગુજરાત (SAG) દ્વારા સંચાલિત District Level Sports School (DLSS) માં પ્રવેશ માટે પસંદગી થતા સમગ્ર શાળા પરિવાર, ગામ તેમજ તાલુકામાં આનંદની લાગણી વ્યાપી છે. ગુજરાત સરકારના રમત-ગમત, યુવા અને સાંસ્કૃતિક વિભાગ હેઠળ સંચાલિત આ યોજનામાં પસંદગી પામેલા ખેલાડીઓને ધોરણ 12 સુધી શાળા પ્રવેશ અને શૈક્ષણિક ફી, પુસ્તકો અને સ્ટેશનરી, હોસ્ટેલ સુવિધા, શાળા ગણવેશ, પોષણયુક્ત આહાર, દર મહિને ₹750 સ્ટાઈપેન્ડ, રમતગમતની દૈનિક તાલીમ, સ્પોર્ટ્સ કીટ, ટુર્નામેન્ટ એક્સપોઝર, મેડિકલ ચેકઅપ તેમજ રમતના સાધનો સહિતની વિવિધ સુવિધાઓ આપવામાં આવે છે. આ સફળતા પાછળ કોચ જે. કે. ઠાકોર અને ડી.એસ.અસારી નું માર્ગદર્શન, વિદ્યાર્થીનીની સતત મહેનત અને શાળા પરિવારનો સહયોગ મહત્વપૂર્ણ રહ્યો છે. ખોડામલી પ્રાથમિક શાળા તરફથી ઠાકોર પૂનમબેન સોમાજીને હાર્દિક અભિનંદન પાઠવવામાં આવ્યા છે અને તેમના ઉજ્જ્વળ રમતગમતના ભવિષ્ય માટે શુભેચ્છાઓ વ્યક્ત કરવામાં આવી છે. "તમારી મહેનત, સમર્પણ અને પ્રતિભા આપણા બધાને ગૌરવ અપાવે છે." સમરો ગુજરાત... જીતરો ગુજરાત... ગૌરવ વધારશે ગુજરાત...