વિકસિત ભારત 2047 અંતર્ગત યોજાયેલ ક્લસ્ટર કક્ષાની વકૃત્વ સ્પર્ધામાં શ્રી શંકર વિદ્યાલય પ્રથમ | Akhand Bharat Dainik
વિકસિત ભારત 2047 અંતર્ગત યોજાયેલ ક્લસ્ટર કક્ષાની વકૃત્વ સ્પર્ધામાં શ્રી શંકર વિદ્યાલય પ્રથમ
AHMEDABAD | By Akhand Bharat Team | Published:
શિક્ષણ જગત
વિકસિત ભારત 2047 અંતર્ગત યોજાયેલ ક્લસ્ટર કક્ષાની વકૃત્વ સ્પર્ધામાં શ્રી શંકર વિદ્યાલય પ્રથમ
શ્રી શંકર વિદ્યાલયનું વકૃત્વ સ્પર્ધામાં ઝળહળતું પ્રદર્શન: ક્લસ્ટર કક્ષાએ પ્રથમ ક્રમાંક મેળવી શાળાનું ગૌરવ વધાર્યું
અમદાવાદ:
કેન્દ્ર સરકારના 'વિકસિત ભારત ૨૦૪૭' અભિયાન અંતર્ગત યોજાયેલી ક્લસ્ટર કક્ષાની વકૃત્વ સ્પર્ધામાં શ્રી શંકર વિદ્યાલયના વિદ્યાર્થીઓએ ઉત્કૃષ્ટ વક્તૃત્વ કળા અને વિચારપ્રધાન રજૂઆત દ્વારા ઝળહળતી સફળતા હાસિલ કરી છે. શાળાના માધ્યમિક અને ઉચ્ચતર માધ્યમિક બંને વિભાગના વિદ્યાર્થીઓએ પ્રથમ ક્રમાંક પ્રાપ્ત કરીને સમગ્ર વિદ્યાલય પરિસરનું નામ રોશન કર્યું છે.
આ સ્પર્ધામાં માધ્યમિક વિભાગમાં પટેલ દીશા ધર્મેશભાઈ તથા ઉચ્ચતર માધ્યમિક વિભાગમાં પટેલ હેતવી અરવિંદભાઈ પોતાની અદ્ભુત વાગ્છટા અને પ્રભાવશાળી રજૂઆત દ્વારા સમગ્ર ક્લસ્ટરમાં પ્રથમ નંબર પ્રાપ્ત કરીને વિજેતા બન્યા છે.
વિદ્યાર્થીઓની આ વિશેષ સિદ્ધિ પાછળ શાળાના માર્ગદર્શક શિક્ષક શ્રી વી. એન. પટેલ સાહેબનું યોગ્ય દિશા-નિર્દેશન અને સતત પ્રોત્સાહન મહત્વપૂર્ણ રહ્યું છે. શિક્ષકશ્રીના નિપુણ માર્ગદર્શન હેઠળ વિદ્યાર્થીઓએ વિષયની ઊંડાણપૂર્વક તૈયારી કરીને આ ઉત્કૃષ્ટ પરિણામ મેળવ્યું છે.
વિદ્યાર્થીઓની આ ગૌરવવંતી સિદ્ધિ બદલ શાળાના ટ્રસ્ટી મંડળ, આચાર્યશ્રી, શિક્ષકગણ તથા સમસ્ત શંકર વિદ્યાલય પરિવાર તરફથી વિજેતા વિદ્યાર્થીને શાળાના આચાર્ય શ્રી સિદ્ધાર્થ પ્રજાપતિ દ્વારા પટેલ દીશા અને પટેલ હેતવી – તેમજ માર્ગદર્શક શિક્ષક શ્રી વી. એન. પટેલ સાહેબને ખૂબ ખૂબ અભિનંદન અને ભવિષ્યની પ્રગતિ માટે હાર્દિક શુભકામનાઓ પાઠવવામાં આવી છે.
