કલોલ તાલુકા કક્ષાના ૭૭મા વન મહોત્સવ ૨૦૨૬ની ધી એ એલ ઝવેરી હાઇસ્કૂલ, છત્રાલ ખાતે ભવ્ય ઉજવણી | Akhand Bharat Dainik
કલોલ તાલુકા કક્ષાના ૭૭મા વન મહોત્સવ ૨૦૨૬ની ધી એ એલ ઝવેરી હાઇસ્કૂલ, છત્રાલ ખાતે ભવ્ય ઉજવણી
GANDHINAGAR | By Akhand Bharat Team | Published:
શિક્ષણ જગત
કલોલ તાલુકા કક્ષાના ૭૭મા વન મહોત્સવ ૨૦૨૬ની ધી એ એલ ઝવેરી હાઇસ્કૂલ, છત્રાલ ખાતે ભવ્ય ઉજવણી
છત્રાલ / કલોલ:
માનનીય પ્રધાનમંત્રી શ્રી નરેન્દ્રભાઈ મોદી સાહેબના જાહેર જીવનમાં રાષ્ટ્રસેવાના સફળ ૨૫ વર્ષ પૂર્ણ થવાના શુભ અવસરે 'સેવા સંકલ્પ અભિયાન' અંતર્ગત વન વિભાગ દ્વારા ‘એક પેડ મા કે નામ ૩.૦’ અભિયાન હેઠળ કલોલ તાલુકા કક્ષાના ૭૭મા વન મહોત્સવની ભવ્ય ઉજવણી કરવામાં આવી હતી. આ કાર્યક્રમનું આયોજન શ્રી છત્રાલ કેળવણી મંડળ દ્વારા સંચાલિત ધી એ. એલ. ઝવેરી હાઇસ્કૂલ અને નિમા ઉચ્ચતર માધ્યમિક શાળા, છત્રાલ ખાતે કરવામાં આવ્યું હતું.
આ પ્રસંગે કલોલના માનનીય ધારાસભ્ય શ્રી લક્ષ્મણજી (બકાજી) ઠાકોરના અધ્યક્ષસ્થાને કાર્યક્રમ યોજાયો હતો. કાર્યક્રમમાં મુખ્ય મહેમાન તરીકે કલોલ તાલુકા પંચાયતના પ્રમુખ શ્રી વિષ્ણુભાઈ પટેલ ખાસ ઉપસ્થિત રહ્યા હતા.
આ તાલુકા કક્ષાના વન મહોત્સવમાં કલોલ તાલુકાના તમામ જિલ્લા પંચાયત સદસ્યશ્રીઓ, તાલુકા પંચાયત સદસ્યશ્રીઓ, પદાધિકારીઓ, છત્રાલ ગ્રામ પંચાયતના ઉપ સરપંચશ્રી, શ્રી છત્રાલ કેળવણી મંડળના પ્રમુખશ્રી, વન વિભાગના અધિકારીઓ તેમજ શાળાના શિક્ષકો અને વિદ્યાર્થીઓ બહોળી સંખ્યામાં હાજર રહ્યા હતા.
કાર્યક્રમ દરમિયાન પર્યાવરણના જતન અને વૃક્ષારોપણનું મહત્વ સમજાવવામાં આવ્યું હતું. વન વિભાગ, કલોલના પરિક્ષેત્ર વન અધિકારી શ્રી જે. એ. ઠાકોર તથા શાળાના આચાર્યશ્રી મિતેશભાઇ શુક્લ દ્વારા કાર્યક્રમનું સફળ નિમંત્રણ અને સંચાલન કરવામાં આવ્યું હતું. સમગ્ર કાર્યક્રમ પર્યાવરણ પ્રત્યેની જાગૃતિ અને હરિયાળા ભવિષ્યના સંકલ્પ સાથે ઉત્સાહભેર સંપન્ન થયો હતો.
