પારેખ હિતેષભાઈ,25થી 75 વર્ષની વયના 28 સ્પર્ધકો વચ્ચે યોજાયેલી અનોખી લાડુ સ્પર્ધામાં બળવંતભાઈએ મેળવ્યો પ્રથમ ક્રમ; રૂ. 2 હજારનું રોકડ ઇનામસુરેન્દ્રનગર : થાનગઢ તાલુકામાં યોજાતાવિશ્વવિખ્યાત તરણેતર ભાતીગળ મેળામાં ‘રુરલ ઓલિમ્પિક્સ’ અંતર્ગત યોજાયેલી અનોખી લાડુ સ્પર્ધા મેળામાં આકર્ષણનું કેન્દ્ર બની હતી. પરંપરા અને લોકસંસ્કૃતિ સાથે જોડાયેલી આ સ્પર્ધા નિહાળવા માટે મોટી સંખ્યામાં ગ્રામજનો અને મેળામાં આવેલા લોકોએ ઉમટી પડીને સ્પર્ધકોનો ઉત્સાહ વધાર્યો હતો.સ્પોર્ટ્સ, યુથ એન્ડ કલ્ચરલ એક્ટિવિટીઝ ડિપાર્ટમેન્ટ, ગાંધીનગર, સ્પોર્ટ્સ ઓથોરિટી ઓફ ગુજરાત, જિલ્લા તાલીમ કેન્દ્ર, લિંબડી તથા તરણેતર ગ્રામ પંચાયતના સંયુક્ત આયોજનથી આ પરંપરાગત સ્પર્ધાનું આયોજન કરવામાં આવ્યું હતું.લાડુ સ્પર્ધામાં 25થી 75 વર્ષની વયજૂથના કુલ 28 સ્પર્ધકોએ ઉત્સાહભેર ભાગ લીધો હતો. સ્પર્ધાના નિયમો મુજબ તમામ સ્પર્ધકોએ નિયત 30 મિનિટના સમયગાળામાં દાળ સાથે ખાંડના બેસનના લાડુ ખાવાના હતા.સ્પર્ધા શરૂ થતાં જ સ્પર્ધકોએ લાડુ ખાવાની શરૂઆત કરી હતી. પ્રથમ 15 મિનિટમાં મોટાભાગના સ્પર્ધકોએ સરેરાશ 15 જેટલા લાડુ ખાધા હતા અને ત્યારબાદ એક પછી એક સ્પર્ધકો સ્પર્ધામાંથી બહાર થવા લાગ્યા હતા.જોકે, સ્પર્ધા અંતિમ તબક્કામાં પહોંચતા પ્રથમ સ્થાન મેળવવા માટે પાંચ સ્પર્ધકો વચ્ચે જોરદાર મુકાબલો જોવા મળ્યો હતો. સ્પર્ધકો 22, 24 અને 26 લાડના આંકડા સધી પહોંચતા જસ્પર્ધાના અંતિમ મિનિટોમાં તો સમગ્ર વાતાવરણ રોમાંચક બની ગયું હતું. આખરે વિંછીયા તાલુકાના ઓરી ગામના રહેવાસી બળવંતભાઈ રાઘવાણીએ નિયત 30 મિનિટ પૂર્ણ થતાં કુલ 28 લાડુ ખાઈ પ્રથમ સ્થાન મેળવ્યું હતું.ઉલ્લેખનીય છે કે બળવંતભાઈ રાઘવાણી અગાઉની સ્પર્ધામાં પણ વિજેતા બન્યા હતા. સતત બીજી વખત તેમણે લાડુ સ્પર્ધામાં નોંધપાત્ર પ્રદર્શન કરીને વિજય મેળવ્યો હતો.સ્પર્ધાના વિજેતા બળવંતભાઈ રાઘવાણીને રૂ. 2,000નું રોકડ ઇનામ આપવામાં આવ્યું હતું. પરંપરાગત ખાણીપીણી સાથે જોડાયેલી આ અનોખી સ્પર્ધાએ તરણેતર મેળામાં લોકસંસ્કૃતિ અને ગ્રામ્ય જીવનની આગવી ઝલક રજૂ કરી
